თანამედროვე ინტერიერისა თუ ექსტერიერის შეუცვლელი ელემენტია კერამიკული ფილა, რომელიც დიზაინში ერთ-ერთ ყველაზე მოთხოვნად პროდუქტად ითვლება. ფილები, შესაძლებელია იქნას გამოყენებული როგორც იატაკსა და კედელზე, ასევე ავეჯსა და დეკორაციაზე.
დღევანდელ სტატიაში მსოფლიოში გამორჩეული იტალიური, კერამიკული ფილების მწარმოებელი ბრენდი “41zero42” უნდა გაგაცნოთ, თავისი უსასრულო შესაძლებლობებით.
დაარსების დღიდან „41zero42“-ის მთავარი მისია დიზაინის სრულყოფა და ინტერიერში მისი შეუზღუდავი შესაძლებლობების ჩვენებაა. თავიდანვე ბრენდისთვის პრიორიტეტული გახდა შემოქმედებითი თავისუფლება და ინოვაციური მიდგომების დანერგვა, რამაც დღესდღეობით მისი, როგორც ერთ-ერთი ყველაზე თანამედროვე, განვითარებული და მრავალფეროვანი კომპანიის სახელი განაპირობა.
წარმოგიდგენთ იმ რამდენიმე უპირატესობას, რომლებიც კერამიკული ფილების ინდუსტრიაში „41zero42“-ის მოწინავე ადგილს განსაზღვრავს.
დიზაინის უსასრულო შესაძლებლობა — იტალიური ბრენდი კოლექციების ფართო სპექტრს გთავაზობთ და ქმნის უნიკალურ დიზაინს მრავალფეროვანი ესთეტიკური მოდელებით, რაც ინტერიერში სახასიათო, გამორჩეულ იერსახეს განაპირობებს. “41zero42” დაბადებულია იმისთვის, რომ შექმნას გამორჩეული იდეა, თქვენი ინტერიერისთვის. „ეს არის დაუჯერებელი და არარეალური სამყარო, რომელშიც ფერი მთავარი თემაა. ფერი არის ძალა, რომელიც პირდაპირ სულზე ზემოქმედებს“. აქვე გეტყვით იმასაც, რომ ბრენდი იყენებს ცივად ცხობის ტექნოლოგიას, რათა უზრუნველყოს ფერების მეტი სიკაშკაშე. ერთ-ერთი კოლექცია „Pixel 41“ 41 ქრომატული ფერით ხასიათდება და თბილი თუ ცივი ტონების, კაშკაშა თუ ღია ფერების არაერთ საინტერესო ვარიაციას ქმნის, რაც კრეატიული და სახასიათო დიზაინის მიღებას უზრუნველყოფს. ამასთანავე, „41zero42“-ის მოდელები განსხვავებულ სტილებს აერთიანებს და თანამედროვე, მინიმალისტურ, კლასიკურ, ავანგარდულ თუ ვინტაჟურ კერამიკულ ფილებს მოიცავს, ამიტომ ბრენდი მომხმარებელს არჩევანის მრავალფეროვნებას სთავაზობს.
ინოვაციური მიდგომა — უახლესი ტექნოლოგიების გამოყენება, განვითარებისკენ სწრაფვა და შემოქმედებითი თავისუფლება ბრენდის ნოვატორობას განსაზღვრავს და ბაზარზე მასზე მოთხოვნას ზრდის. „41zero42“-ის ინოვაციურობა ვლინდება როგორც უსასრულო ფერთა კომბინაციებსა და არასტანდარტულ დიზაინ გადაწყვეტებში, ასევე ტექნოლოგიურ მიდგომებსა და მრავალფეროვან მასალებში. მაგალითად, კერამიკული ფილების კოლექცია “Technicolor”-ი აერთიანებს ბუნებრივი ხის ფაქტურას და გასაოცარ ფერთა პალიტრას, რაც ინტერიერს უნიკალური ესთეტიკით ავსებს.
მომხმარებელთა ფართო სპექტრი — კერამიკული ფილების მრავალფეროვანი დიზაინისა და ფერთა პალიტრის წყალობით, რომელიც ერთმანეთისგან სრულიად განსხვავებულ ინტერიერებს ერგება, ბრენდი მომხმარებლებსა და დიზაინერებს დიდ არჩევანსა და შემოქმედებითი ექსპერიმენტების შესაძლებლობას აძლევს. შესაბამისად, პროდუქციას სხვადასხვა გემოვნების მქონე ადამიანები ირჩევენ და მათთვის სასურველი კოლექციებით უჩვეულო და მიმზიდველ შტრიხებს სძენენ ინტერიერს.
ერთი სიტყვით, “41zero42” არის გაცოცხლებული ფერები, ფორმები და ემოციები, რომელიც გადატანილია კერამიკული ფილის ფირფიტებზე, იმისთვის, რომ მოგანიჭოთ წარმოუდგენელი, თავბრუდამხვევი ემოცია.
აღნიშნული ბრენდის პროდუქცია საქართველოში, ექსკლუზიურად მხოლოდ ინტერიერის მოსაპირკეთებელი მასალების შოურუმში — „Mosaics“-შია შესაძლებელი, სადაც ესთეტიკური მახასიათებლებით, ხარისხითა და ფუნქციურობით გამორჩეული წამყვანი ევროპული ბრენდების პროდუქციაა წარმოდგენილი.
[R]
