მუსიკალური ინსტრუმენტები, მოწყობილობები, კომპაქტური დისკები თუ ვინილები, გარდა იმ ფუნქციური თვისებებისა, რომლებიც მათ დანიშნულებას წარმოადგენენ, ნებისმიერი ტიპის ინტერიერის დიზაინს აძლევენ შინაურულ, მრავალფეროვან იერს და აქსესუარებადაც გამოიყენებიან. Homeis.ge გთავაზობთ რამდენიმე მუსიკალურ მაღაზიას, რომელთა პროდუქციით თქვენს სახლებში მუსიკას აუცილებლად შეიტანთ.
Steinway & Sons
მაღაზიაში Steinway & Sons, რომელიც თბილისში, ო.დგებუაძის ქ. #1-ში მდებარეობს, მომხმარებელს უმშვენიერესი, ხარისხითა და ელეგანტურობით გამორჩეული როიალებისა და ფორტეპიანოების შეძენა შეუძლია, რომელიც ყველა სახლს შემატებს დახვეწილობასა და ესთეტიკას. მაღაზია ეპიდსიტუაციიდან გამომდინარე დისტანციურად მუშაობს – მათი პროდუქციის დათვალიერება და შეძენა ონლაინ, Steinway & Sons-ის ვებ-გვერდის საშუალებითაა შესაძლებელი.
მუსიკის სახლი
მაღაზია “მუსიკის სახლი” კოვიდ-19-თან დაკავშირებული სიტუაციის გამო ამჟამად სრულად დისტანციურად ემსახურება მომხმარებელს თავისი კომფორტული ვებ-გვერდის მეშვეობით. თუ თქვენი სტილი თანამედროვეა და სახლისთვის ახლებური ფირსაკრავების, სინთეზატორების, დრამების ან სხვა მუსიკალური ნივთის შეძენა გსურთ, მაშინ “მუსიკის სახლი” თქვენთვის ზედგამოჭრილი მაღაზიაა.
Vodkast
ეგნატე ნინოშვილის #8-ში, “ფაბრიკაში” მდებარე მაღაზია “Vodkast” მომხმარებელს საკუთარი კეთილმოწყობილი და მარტივი ვებ-გვერდის მეშვეობით ეკონტაქტება, სადაც ნებისმიერ მსურველს შეუძლია “Vodkast”-ის უდიდესი ვინილების კოლექციაში სასურველის მოძებნა, საკუთარი ინტერიერის დიზაინის შესაფერისი სპიკერებისა თუ ფირსაკრავების შეძენა.
Tiflis Vinyl Records
თუ ფირსაკრავს ფლობთ, ვინილებიც აუცილებლად უნდა შეიძინოთ, რათა სახლი მელოდიით აავსოთ. მაღაზია “Tiflis Vinyl Records”, რომელიც მომხმარებელს საკუთარი ფეისბუქ გვერდის საშუალებით ემსახურება, ვინილების ძალიან ფართო არჩევანს გვთავაზობს.
