საცხოვრებელი აპარტამენტების კომპლექსი, სახელად „The Sketchblock“ ამსტერდამში, ჰოლანდიაში მდებარეობს და მისი საერთო ფართობი 2500 კვადრატულ მეტრს შეადგენს. არქიტექტურული სტუდიის მიზანი იყო ისეთი ისეთი კომპლექსის შექმნა, სადაც თითოეული ბინა ინდივიდუალურად თავისუფალი იქნებოდა და მათ მფლობელებს შეეძლებოდათ მისი ფორმირება თავიანთი სურვილების მიხედვით.
ყველაზე პატარა ბინა საცხოვრებელ კომპლექსში 46 კვადრატული მეტრის სიდიდისაა, უდიდესი კი – 150 კვ/მ. ყურადღებას იქცევს „The Sketchblock“-ის ფასადი, რომელიც ცემენტის ბადისგანაა აგებული, დაკომპლექტებულია ვიტრაჟული ფანჯრებისგან და აივნებისგან, რომელთა ფერისა და ზომის სამომავლო ცვლილება ბინების მფლობელებზეა დამოკიდებული.
აღსანიშნავია, რომ „The Sketchblock“-ის პროექტირებაზე არქიტექტორებთან ერთად მისი მომავალი მაცხოვრებლებიც მუშაობდნენ, რაც საკმაოდ საინტერესო პრეცენდენტია. ამ ადამიანებმა ზუსტად იცოდნენ როგორი ფორმის, ზომისა და მასალების მქონე ბინა სურდათ, ამიტომ აღნიშნული კომპლექსის ვიზუალური მხარე ნამდვილად გამორჩეულია.
ფოტოგრაფი: Luuk Kramer
