ავეჯი ინტერიერში ყველაზე მნიშვნელოვან ფუნქციას ასრულებს – სწორედ ის ქმნის ხასიათს, განაპირობებს ატმოსფეროს, გვაგრძნობინებს თავს კომფორტულად და თავს ამახსოვრებს სტუმრებს. ამ ყველაფრის გამო, მნიშვნელოვანია ავეჯის სწორად შერჩევა, რათა გრძელვადიან პერსპექტივაში მისი ვიზუალითაც ვიყოთ კმაყოფილები და ფუნქციონირებითაც. გთავაზობთ 5 მაღაზიას თბილისში, სადაც შეძლებთ ხარისხიანი და, ამავე დროს, ბიუჯეტური ავეჯის შეძენას.
იუსკი/jysk
სკანდინავიურმა ბრენდმა საქართველოში თავი უკვე დიდი ხანია საფუძვლიანად დაიმკვიდრა და მომხმარებლის ერთ-ერთ ფავორიტ არჩევნად იქცა. ამის განმაპირობებელი უმნიშვნელოვანესი ფაქტორი კი “იუსკის” ნაწარმის ხარისხია, რომლის შეძენაც საკმაოდ ბიუჯეტურ ფასშია შესაძლებელი. ამასთან ერთად, ბრენდი მომხმარებელს ხშირად სთავაზობს სხვადასხვა საინტერესო აქციას, რომლის ფარგლებში პროდუქციის შეძენა ფასდაკლებით არის შესაძლებელი.
Mysa
მაღაზია “Mysa” თბილისთან ერთად ბათუმშიც ფუნქციონირებს და მომხმარებელს ერთ-ერთ ყველაზე ხარისხიან, ხელმისაწვდომ ავეჯს სთავაზობს. აღსანიშნავია, რომ “Mysa”-ში ლეგენდარული შვედური კომპანიის, “Ikea”-ს პროდუქციის შეძენაცაა შესაძლებელი, რომელიც მთელ მსოფლიოში თავისი ბიუჯეტურობითა და გრძელვადიანი გამოყენების შესაძლებლობითაა ცნობილი. ამას გარდა, “Mysa”-ში ისეთი ბრენდებიც არის წარმოდგენილი, როგორიცაა Blomingville, HK living, Business&Pleasure და Red Edition.
Laboratory My Home – ლაბორატორია ჩემი სახლი
ლაბორატორია ჩემი სახლი საქართველოში ერთ-ერთ ყველაზე ორიგინალურ, დახვეწილ და ხარისხიან პროდუქციას გვთავაზობს, რომლის შეძენა არც ისე მაღალ ფასებშია შესაძლებელი. უამრავი ავეჯის ფართო, გასაოცარი არჩევანის ხილვა ლაბორატორია ჩემი სახლის კოლექციაში შეგიძლიათ.
იკეას პროდუქცია გორგიაში
“იკეას” პროდუქციის შეძენა საქართველოს ყველაზე იაფ ჰიპერმარკეტად წოდებულ “გორგიაშიცაა” შესაძლებელი. “იკეას” ბიუჯეტური ავეჯი სახლის ყველა ოთახს შეგიძლიათ მოარგოთ – “გორგიაში” წარმოდგენილი კოლექციიდან შეგიძლიათ აარჩიოთ საძინებლის, სამზარეულოს, სააბაზანოს, მისაღები ოთახებისა და ეზოს ავეჯიც კი.
Ashley Homestore / ეშლი ჰოუმსთორი
“Ashley Homestore” ამერიკული ბრენდია, რომელმაც საქართველოს ბაზარზეც მალევე დაიმკვიდრა ადგილი. მაღაზიაში შესაძლებელია ხარისხიანი ავეჯის შეძენა, რომელიც სახასიათო სტილითა და დიზაინით გამოირჩევა.
