ეს ბინა თბილისში, დიმიტრი უზნაძის ქუჩაზე მდებარეობს.
ინტერიერში ყურადღებას იქცევს ნათელი ფერების ფონზე გამოკვეთილი აგურის ეფექტის მქონე კედლები, რომლებიც მწვანე მცენარეებთან ერთად საკმაოდ საინტერესო კომპოზიციას ქმნის.
ბინას საინტერესო გეგმარება აქვს: პირველ სართულზე გვხვდება გაშლილი სივრცე, რომელიც სამზარეულოს, მისაღებ და სასადილო ზონებს აერთიანებს. ზედა დონეზე კი სივრცე ორ ნაწილად არის გაყოფილი და თითოეულ მხარეს მინიმალისტური დიზაინის საძინებელია მოწყობილი.
აღნიშნული სივრცის ერთ-ერთ მთავარ ღირსებას კი ჭერში არსებული ფანჯარა წარმოადგენს, რომელიც სივრცის ბუნებრივ განათებას უზრუნველყოფს.
აღნიშნული ბინის ქირაობა შესაძლებელია Wehost.ge პლათფორმის საშუალებით.
ფოტოები: Wehost.ge
