ბაირონის ყურის მთებში, ტროპიკული ტყის მიდამოებში მდებარე 650 კვ.მ მასშტაბის სახლიდან თანაბრად იშლება ზღვისა და ცის ულამაზესი პეიზაჟი. სახლის მფლობელებს ძალიან აინტერესებთ ადგილობრივი მოსახლეობის ფილოსოფია და ეს ფილოსოფია მკაფიოდ აისახება დიზაინში.
სახლს თითქმის ყველა მხრიდან განსაკუთრებული ხედი აქვს და ის ძალიან კარგი ადგილია წელიწადის დროების ცვლილებაზე დასაკვირვებლად. “სახლის გული” – ესაა ცენტრალური სივრცე, რომელიც იდეალური ადგილია დასაჯდომად და ბუნების საყურებლად.
შენობას თითქმის ყველა მხრიდან აქვს შესასვლელი. მის გარშემო არსებულ ბაღში სახლის მფლობელმა ენდემური ბუჩქნარების რეგენერაცია მოინდომა, ამიტომაც ბაღში მრავალ ადგილობრივ ჯიშს ვხვდებით.
აქვე აღსანიშნავია, რომ სახლის მოსაპირკეთებლად გადამუშავებული მასალებია გამოყენებული.
