ქუქი ბეიქერი ვაჟა ფშაველას გამზირზე მდებარე საკონდიტროა, რომლის ინტერიერზე დიზაინ სტუდია “აუკიმ” იზრუნა.
პროექტის ავტორების თანახმად, მათი მიზანი იყო მყუდრო, კომფორტული და რაც მთავარია, მადის აღმძვრელი და დასამახსოვრებელი სივრცის შექმნა. თავად დაწესებულების ვიზუალური სტილიდან გამომდინარე, დიზაინერებმა ინტერიერში ორი კონტრასტული ფერი, ლურჯი და ვარდისფერი გამოიყენეს.
ეს კომბინაცია იმდენად ეფექტური აღმოჩნდა, რომ ერთი შეხედვით იქცევს დამთვალიერებლის ყურადღებას. ინტერიერის ფონი დატვირთულია ლურჯი ტონით, რომელსაც იდეალურად ერწყმის კონცენტრირებული განათების მქონდე ვარდისფერი დახლები და სივრცეს სრულიად განუმეორებელ ელფერს სძენს.
