უნიკალური დიზაინის ეკო-მეგობრული პროდუქტი – ასე ხასიათდება ვეტრაცო. თანამედროვე კონცეფციის ამ მასალისგან პირველი ნიმუში საქართველოშიც შეიქმნა.ვეტრაცოს იატაკი, მორიგი ინოვაციის სახით, ,,ოლ-პი ჯგუფმა“ შესთავაზა მომხმარებლებს.
,,ვეტრაცო მხოლოდ ეფექტური ვიზუალის მასალა არაა, მას ღირებულებითი დატვირთვა აქვს. მისი გამოყენებით, მხარს ვუჭერთ პროექტებს, რომლებიც საქართველოს ბუნებრივი რესურსების დაცვას ითვალისწინებს“, – განმარტავს კომპანიის დირექტორი ნიკოლოზ მაჩალაძე.
პროდუქტის 85%-ი რეციკლირებული მინისგან შედგება, რაც შემდგომში ფერთა ფართო არჩევანს განაპირობებს. გადამუშავებულ მასალას იყენებს ,,ოლ-პი ჯგუფი“ ერთ-ერთი ყველაზე მოთხოვნადი იატაკის – ტერაცოს შესაქმნელადაც. სწორედ ამ ორი ეკო-მეგობრული პროდუქტის შთამბეჭდავი კომბინაცია მოაწყო კომპანიამ ბიზნეს ცენტრში ,,ვაკე პლაზა“.
საოფისე სივრცეების გარდა, ,,ოლ-პი ჯგუფი“ ვეტრაცოს იატაკის გამოყენებას სასტუმროებში, სავაჭრო ცენტრებში, რესტორნებში, შოურუმებსა და საცხოვრებელ ფართებში გირჩევთ. იგი მარტივია მოსავლელად და არ ლაქავდება. მიიჩნევა ერთ-ერთ ყველაზე გამძლე მასალად. მათ შორის, მდგრადია მაღალი ტემპერატურის მიმართაც. ვეტრაცოს იატაკის მოწყობას საქართველოში, ისევე როგორც მთელ სამხრეთ კავკასიაში, მხოლოდ კომპანია ,,ოლ-პი ჯგუფი“ ახორციელებს.
[R]
