მარტივი ფორმებისგან შექმნილი სიხშირეები არქიტექტურაში ამერიკელი არქიტექტორის ჯენი გენგის ხელწერაა. ის სტუდია Gang-ის დამფუძნებელია – არქიტექტურისა და ურბანული დიზაინის კომპანია, რომელიც ფლობს ფილიალებს ჩიკაგოში, ნიუ-იორკსა და სან-ფრანცისკოში.
ბელვიდერში დაბადებულმა გენგმა ბაკალავრის წოდება არქიტექტურის ფაკულტეტზე ილინოისის უნივერსიტეტში მიიღო 1986 წელს, ხოლო 1993 წელს ჰარვარდის დიზაინის სამაგისტრო სკოლის არქიტექტურის მაგისტრი გახდა. 1989 წელს ის სწავლობდა ETH შვეიცარიის ტექნიკური კვლევების ფედერალურ უნივერსიტეტში ციურიხში, შვეიცარიაში. იგი ასევე სწავლობდა École Nationale Supérieure d’Architecture de Versailles – ENSAV-ში, ვერსალში, საფრანგეთში. 1997 წელს Studio Gang-ის დაარსებამდე იგი მუშაობდა OMA/Rem Koolhaas-თან როტერდამში.
გენგის აშენებული ნამუშევარი ჩიკაგოს რაიონში მოიცავს ჩიკაგოს უნივერსიტეტის კამპუსს, მწერალთა თეატრს, ქალაქ ჰაიდ პარკს, შენობებს Nature Boardwalk-ზე ლინკოლნ პარკის ზოოპარკში, კოლუმბიის კოლეჯის ჩიკაგოს მედია წარმოების ცენტრს და SOS ბავშვთა სოფლების ლავეცორიოს საზოგადოებრივ ცენტრს. 2014 წელს გენგმა და მისმა სტუდიამ დაასრულეს კალამაზუს კოლეჯში სოციალური სამართლიანობის ლიდერობის არკუსის ცენტრის მშენებლობა.
ჯენის სტუდიას 2013 წელს მიენიჭა ეროვნული დიზაინის ჯილდო არქიტექტურისთვის კუპერ ჰიუიტისგან, სმიტსონის დიზაინის მუზეუმიდან. ჯენი ასევე დასახელდა 2016 წლის საუკეთესო ქალ არქიტექტორად Architectural Review-ის მიერ. 2017 წელს მას მიენიჭა ლუი I. Kahn-ის მემორიალური ჯილდო (ფილადელფიის არქიტექტურის ცენტრი) და სტიპენდია კანადის სამეფო არქიტექტურულ ინსტიტუტში. 2018 წელს იგი აირჩიეს ბრიტანეთის არქიტექტორთა სამეფო ინსტიტუტის (RIBA) საერთაშორისო სტიპენდიანტად, რაც არქიტექტორისთვის ძალიან დიდი პატივია.
გენგი არის ორი წიგნის ავტორი – Reveal (2011), პირველი პუბლიკაცია სტუდიის მუშაობისა და პროცესის შესახებ, და Reverse Effect: Renewing Chicago’s Waterways (2011), რომელიც ჩიკაგოს უფრო მწვანე მომავალს ეხება. გენგი 2012 წელს ჩიკაგოს სამხატვრო ინსტიტუტის გამოფენის კატალოგი Building: Inside Studio Gang Architects-ის თანარედაქტორი იყო.
2018 წელს გენგმა გამოაქვეყნა დიზაინის პროექტი არკანზასის ხელოვნების ცენტრისთვის, 70 მილიონი დოლარის ღირებულების ხელოვნების მუზეუმისა და ბუნების კონსერვატორიისთვის არკანზასში. პროექტი აღწერილია, როგორც “მუზეუმი ტყეში”.
2019 წლის 27 მარტს, ჩიკაგოს მერმა რაჰმ ემანუელმა გამოაცხადა, რომ დიზაინის გუნდი, რომელსაც ხელმძღვანელობდა გენგი შეირჩა საერთაშორისო დიზაინის კონკურსის გამარჯვებულად ახალი 2,2 მილიარდი დოლარის ღირებულების გლობალური ტერმინალის O’Hare International Airport-თვის. პროექტის დაწყება 2023 წელს იგეგმება.
