თანამედროვე ბაზარზე დარაბების მრავალფეროვანი არჩევანი არსებობს. ეს შეიძლება იყოს ყრუ, გლუვი პანელები, რომლებიც დახურულ მდგომარეობაში ფაქტობრივად კედლის გაგრძელებას წარმოადგენენ, ან ასევე ჟალუზის ტიპის დანაყოფიანი ელემენტები, რომლებიც მზის სხივებს ატარებენ, მაგრამ პირდაპირი განათებისგან იცავენ სახლის მაცხოვრებლებს. შესაბამისად, დარაბების შერჩევა მხოლოდ თქვენი ინდივიდუალური გემოვნების საკითხია. ამ პროცესის გასამარტივებლად კი დღეს ჩვენ რამდენიმე საინტერესო ვარიანტს წარმოგიდგენთ, რაც აუცილებლად გახდება თქვენთვის შთაგონების წყარო.
