„BIM Solutions Georgia“ „Autodesk“-ის ოფიციალური პარტნიორი გახდა – რას ნიშნავს ეს ქართული სამშენებლო ბაზრისთვის?

„BIM Solutions Georgia“ ქართულ ბაზარზე საერთაშორისოდ აღიარებული, ინოვაციური „BIM“ ტექნოლოგიების დანერგვას ემსახურება, რაც სამშენებლო პროცესის თითოეული ეტაპის მარტივად, უსაფრთხოდ და ეფექტურად წარმართვას უზრუნველყოფს. ცოტა ხნის წინ „BIM Solutions Georgia“  „Autodesk“-ის ოფიციალური პარტნიორი გახდა, რომელიც არქიტექტორებისთვის, ინჟინრებისა და დიზაინერებისთვის უახლესი პროგრამული გადაწყვეტილებების სფეროში გლობალური ლიდერის პოზიციას იკავებს. ეს თანამშრომლობა კიდევ ერთხელ უსვამს ხაზს „BIM Solutions Georgia“ -ს მიზანს და ციფრული სამშენებლო ტექნოლოგიების წინსვლასა და განვითარებას ემსახურება, როგორც კერძო, ასევე სახელმწიფო სექტორში. „Autodesk“-ი, რომელიც ციფრული პროდუქტების მრავალფეროვან სეგმენტს აერთიანებს (არქიტექტურას, ინჟინერიას,  დიზაინს, მშენებლობასა თუ წარმოებას), ქართულ ბაზარზე მნიშვნელოვან წვლილს შეიტანს ციფრული ტრანსფორმაციის განვითარების სექტორში, ხელს შეუწყობს ინოვაციების დანერგვას და პროექტების ხარისხის დონეს მნიშვნელოვნად გააუმჯობესებს. დღევანდელ სტატიაში „BIM Solutions Georgia“ -ს ოპერაციების აღმასრულებელი დირექტორი — მარიამ ქუთათელაძე „Autodesk“-თან პარტნიორობის, მისი პროდუქტებისა და ამ თანამშრომლობის უპირატესობებზე  გვესაუბრება.

„BIM Solutions Georgia“ პროგრამული გადაწყვეტილებების გლობალური ლიდერის „Autodesk“-ის პარტნიორი გახდა, გვიამბეთ ამ მნიშვნელოვანი თანამშრომლობის შესახებ

„BIM Solutions Georgia“ გახდა „Autodesk“-ის პარტნიორი, რომელიც პროგრამული გადაწყვეტილებების გლობალური ლიდერია. გვჯერა, რომ  ეს თანამშრომლობა ხელს შეუწყობს საქართველოში ციფრული სამშენებლო ტექნოლოგიების წინსვლასა და განვითარებას. აღსანიშნავია, რომ ჩვენი თანამშრომლობა ორმხრივი მიზნების შეფასების შემდეგ,  2023 წელს დაიწყო, რომელიც ორივე მხარის გამოცდილების, ინდუსტრიის ცოდნისა და სამშენებლო სექტორისთვის ინოვაციური გადაწყვეტილებების პოპულარიზაციის მიზნით გაგრძელდა. „Autodesk“-ის პროგრამები „BIM“ მეთოდოლოგიის განუყოფელი ნაწილია, რომელიც ჩვენს ხედვას შეესაბამება, რაც თავის მხრივ, გულისხმობს რევოლუციას პროექტის მენეჯმენტისა და დიზაინის პროცესებში.

მკითხველისთვის საინტერესოა, რა პროდუქტებს აერთიანებს „Autodesk“-ის პროდუქცია და ვინ არის მისი მომხმარებელი?

„Autodesk“-ი გვთავაზობს პროგრამული უზრუნველყოფის ყოვლისმომცველ ასორტიმენტს, რომელიც მორგებულია სხვადასხვა ინდუსტრიაზე, მათ შორის, არქიტექტურაზე, ინჟინერიაზე, მშენებლობაზე, წარმოებაზე, მედიასა და გართობაზე. ის აერთიანებს ისეთ პროდუქტებს, როგორებიცაა „Revit“, „AutoCAD“, „Docs“, „Build“, „3ds Max“, „Navisworks“, „BIM Collaborate Pro“, „AEC Collection“ და სხვა, რომლებიც უნიკალურია, რადგან ზემოთ ჩამოთვლილ თითქმის ყველა კატეგორიას მოიცავს.

ეს გადაწყვეტილებები ემსახურება პროფესიონალებს სრული სამუშაო პროცესის განმავლობაში — დაწყებული დიზაინიდან, დასრულებული მშენებლობითა და მენეჯმენტით. „Autodesk“-ის თითოეული პროდუქტი მნიშვნელოვან როლს ასრულებს „BIM“ სამუშაო პროცესების გააქტიურებაში, რაც ხელს უწყობს შეუფერხებელ თანამშრომლობას და მონაცემთა გაცვლას პროექტში ჩართული მხარეებისთვის.

ვისაუბროთ „Autodesk“-ის პროდუქტებზე. რას გულისხმობს თითოეული მათგანი?

„Autodesk“-ის თითოეული პროდუქტი ემსახურება კონკრეტულ მიზანს სამშენებლო და დიზაინის სფეროში, რაც ხელს უწყობს „BIM“ პრაქტიკის უფრო ფართო გამოყენებას:

• Revit: BIM პროცესების პროგრამული უზრუნველყოფა არქიტექტორებისთვის, ინჟინრებისთვის და სამშენებლო პროფესიონალებისთვის არის განკუთვნილი.
• AutoCAD: ინდუსტრიის სტანდარტული CAD პროგრამული უზრუნველყოფა 2D და 3D დიზაინისა და შედგენისთვის, რომელიც ემსახურება „BIM“ მოდელირების წინამორბედს.
• Docs: Cloud-ზე დაფუძნებული დოკუმენტების მართვის პლატფორმა სამშენებლო პროექტებისთვის, რაც ხელს უწყობს თანამშრომლობასა და მონაცემთა გაზიარებას „BIM“ სამუშაო პროცესებში.
• Build: პროექტის მართვის პროგრამული უზრუნველყოფა განკუთვნილია ზედამხედველობის და სამშენებლო გუნდებისთვის, რათა ითანამშრომლონ და გაუმარტივდეთ სამუშაო პროცესები „BIM“ მეთოდის გამოყენებისას.
• 3ds Max: 3D მოდელირების, ანიმაციისა და რენდერის პროგრამული უზრუნველყოფა ვიზუალიზაციისა და დიზაინისთვის, „BIM“ მოდელების პრეზენტაციის გასაუმჯობესებლად.
• Navisworks: პროექტების მიმოხილვის პროგრამული უზრუნველყოფა 3D კოორდინაციისა და თანამშრომლობისთვის, რაც ხელს უწყობს შეუსაბამობების გამოვლენას და მოდელის კოორდინაციას „BIM“ პროექტებში.
• BIM Collaborate Pro: Cloud-ზე დაფუძნებული დიზაინის თანამშრომლობისა და კოორდინაციის პლატფორმა, რომელიც „BIM“ გარემოში პროექტით დაინტერესებულ მხარეებს უმარტივებს კოორდინაციასა და დროის მენეჯმენტს.

როგორ ფიქრობთ, რა შედეგს გამოიღებს „Autodesk“-თან თანამშრომლობა და რა სარგებლის მომტანი იქნება ეს პარტნიორობა როგორც თქვენთვის, ასევე, ზოგადად, სამშენებლო სფეროსთვის?

„Autodesk“-თან პარტნიორობა უზარმაზარ პოტენციალს წარმოადგენს როგორც „BIM Solutions Georgia“-თვის, ასევე სამშენებლო ინდუსტრიისთვის საქართველოში. „Autodesk“-ის უახლესი ტექნოლოგიების გამოყენებით, ჩვენ მიზნად ვისახავთ პროექტის ეფექტურობის გაზრდას, ინოვაციების ხელშეწყობას და ციფრული ტრანსფორმაციის განვითარებას სახელმწიფო და კერძო სექტორში.

ეს თანამშრომლობა ჩვენს პარტნიორებს აძლევს შესაძლებლობას, რომ პირველებს ჰქონდეთ წვდომა მსოფლიო დონის ყველა პროგრამულ გადაწყვეტილებებზე და მათ სიახლეებზე, რაც მათ ეხმარებათ, განახორციელონ ხარისხიანი პროექტი და სწრაფად განვითარებად ინდუსტრიაში მოწინავე პოზიციები დაიკავონ. „Autodesk“-ის პროგრამებით, რომლებიც „BIM“ სამუშაო პროცესების განუყოფელი კომპონენტია, ჩვენ ველით მნიშვნელოვან წინსვლას პროექტების მიწოდებისა თუ თანამშრომლობის კუთხით, რაც საბოლოოდ, განაპირობებს სრულად „BIM“ მეთოდოლოგიაზე გადასვლას  საქართველოს სამშენებლო ინდუსტრიის.

„BIM Solutions Georgia“-ს ტრენინგ ცენტრი მომხმარებლებს თქვენს პორტფელში არსებულ სხვა პროგრამებთან ერთად, „Autodesk“-ის სერვისების ათვისებაშიც დაეხმარება. გვიამბეთ ამ პროგრამის შესახებ უფრო დეტალურად. ვის შეუძლია აღნიშნული მომსახურებით სარგებლობა?

„BIM აკადემია” შექმნილია იმისთვის, რომ ჩვენი მომხმარებლები აღჭურვოს ყველა საჭირო უნარ-ჩვევებით, რაც მათ დაეხმარებათ  ჩვენს პორტფელში არსებული პროგრამები ეფექტურად გამოიყენონ. ჩვენი პროგრამა ემსახურება ინდივიდებსა და ორგანიზაციებს, რომლებიც სხვადასხვა დონის ინფორმაციას ფლობენ და ცდილობენ გააუმჯობესონ „BIM“ მეთოდოლოგიის, „Autodesk“-ისა თუ სხვა პროგრამული უზრუნველყოფის ცოდნა.

ჩვენი ფასიანი და უფასო ტრენინგები და ვებინარები, დამწყებიდან ექსპერტ მომხმარებლამდეა გათვლილი ისე, რომ მონაწილეებმა მიიღონ პრაქტიკული შეხედულებები და გამოცდილება ინსტრუმენტების მაქსიმალურად გამოყენების მიზნით. უახლოეს მომავალში ვგეგმავთ „BIM“ მენეჯერების ინტენსიურ მასტერკლასებს ჩვენს უცხოელ მოწვეულ პარტნიორებთან ერთად, რომლის ფარგლებში ასევე შესაძლებლობა ექნებათ არსებულ თუ მომავალ „BIM“ მენეჯერებს, გაიზიარონ საერთაშორისო ექსპერტების რჩევები და თავად გახდნენ სფეროს პროფესიონალები.

დაბოლოს, როგორ არის შესაძლებელი „Autodesk“-ის პროდუქტების შეძენა?

„Autodesk“-ის პროდუქტების შეძენა შესაძლებელია ჩვენთან. კომპანიის ექსპერტთა გუნდი პერსონალურ დახმარებას უწევს კლიენტებს, უმარტივებს მათ პროდუქტის შერჩევის პროცესს და უზრუნველყოფს დამკვეთის საჭიროებების მიხედვით სწორი გადაწყვეტილებების მიღებას. პორტფელში არსებული პროგრამული უზრუნველყოფების და სასწავლო პროგრამების გარდა, „BIM Solutions Georgia“-ს პარტნიორებს ვუწევთ რეკომენდაციებს „BIM“ მეთოდოლოგიების დანერგვის, ათვისებისა და მათი პროექტების იმპლემენტაციის პროცესში.