ეს საოჯახო სახლი, რომელიც ინდოეთში მდებარეობს, 2024 წელს აშენდა და მისი საერთო ფართობი 1486 კვადრატული მეტრია. პროექტი ტროპიკულ სოფელშია განთავსებული, რის ხარჯზეც აქ განსაკუთრებული ხედი და ექსტერიერი იქმნება. თანამედროვე სტილის ფასადი და დიზაინი შესანიშნავად ერგება არსებულ ლანდშაფტს, რაც არქიტექტურული ნახაზის შექმნის პროცესში ერთ-ერთი მთავარი გამოწვევა გახლდათ. თავდაპირველად, პროპორციებისა და მასშტაბის გათვალისწინებით, სახლს არ ჰქონდა ტროპიკული გარემოსთვის დამახასიათებელი ინოვაციური და ექსკლუზიური დიზაინის შექმნის პოტენციალი, სტრუქტურა ვერ აღაფრთოვანებდა მნახველებს და ვერ ქმნიდა რაიმე განსაკუთრებულ კავშირს ბუნებასთან, თუმცა საბოლოო შედეგი საკმაოდ შთამბეჭდავი და მრავალფეროვანი აღმოჩნდა.
არქიტექტურულმა სტუდიამ ეს გამოწვევა საკუთარ თავზე აიღო და შექმნა გეგმა, რომელიც ითვალისწინებდა ბუნებრივი სინათლის მაქსიმალურად ათვისებას, ფასადში ბუნების ელემენტების ასახვასა და ინტერიერსა და ექსტერიერს შორის სასიამოვნო კავშირის შექმნას. მშენებლობის დაწყებამდე, იმავე ტერიტორიაზე უკვე არსებობდა 90-იანი წლების დასაწყისში შექმნილი შენობის ნარჩენები, რომელიც იყო გაცილებით მცირე ზომის და შიდა სივრცეებს თითქმის არ ჰქონდათ კავშირი გარემოსთან, რის გამოც საჭირო გახდა პროექტის არა მხოლოდ რესტავრაცია, არამედ სრულად გადაკეთება.
ქვედა სართული დამუშავდა ქვის ფილებით, მეორე სართულზე კი მაქსიმალურად იქნა გამოყენებული ხის კონსტრუქციები. ნახაზის თანახმად, პირველ სართულს უნდა შეექმნა სიმძიმის შეგრძნება, ზემოდან კი უნდა განთავსებულიყო მსუბუქი კონსტრუქცია. აქვე მოეწყო საკმაოდ დიდი ვერანდაც, რომელიც შთამბეჭდავ ხედებს ქმნის ტყესა და აუზზე.
ინტერიერის დიზაინერებმა შექმნეს ისეთი სივრცეები, რომლებსაც უწყვეტი კავშირი ექნებოდათ ლანდშაფტთან. სხვადასხვა ოთახებს შორის გადასვლები მაქსიმალურად რბილი და ჰაეროვანი გახდა. გამოყენებული იქნა უფრო ინკლუზიური და თანამედროვე მიდგომები და რაც მთავარია, მასალის სახით მთავარი აქცენტი გაკეთდა ბუნებრივ ქვებზე, ხეზე, ცაცხვის საღებავებზე და სხვა ორგანულ პროდუქტებზე, რათა მშენებლობისა და რემონტის პროცესში ბუნებისთვის მიყენებული არ ყოფილიყო რაიმე სახის მექანიკური ზიანი.
არქიტექტურული სტუდია: Atelier Design N Domain
ფოტოები: PHX India
რუბრიკის წარმდგენია: “ალიანს ჯგუფი”
