ოთახის მცენარეები, იქნება ეს ქოთნის ყვავილები, მარადმწვანე ან სეზონური მცენარეები თუ კაქტუსები, ნებისმიერ ინტერიერის დიზაინს ალამაზებს. ამ ყველაფერთან ერთად, მცენარეებს სახლში ბუნების ელემენტები შეაქვთ და ჯანსაღ ატმოსფეროს ქმნიან, რისი მნიშვნელობაც ასე დაგვაფასებინა 2020 წლის უმეტესი ნაწილის სახლებში გატარებამ. homeis.ge გთავაზობთ 5 ონლაინ მაღაზიას, სადაც დისტანციურად შეძლებთ მცენარეების შეძენას.
1.Plants Lover Tbilisi
Plants Lover Tbilisi მცენარეების მოყვარულთა მიერ დაარსებული ონლაინ მაღაზიაა, რომელიც მომხმარებელს საოცრად უნიკალურ, მოვლილ და მრავალფეროვან მცენარეებს სთავაზობს. პერსონალურ კოლექციაში შემავალი იშვიათი მცენარეებისა და აქსესუარების შეძენა Plant Lover Tbilisi-ს ფეისბუქ და ინსტაგრამ გვერდების საშუალებითაა შესაძლებელი.
2. Planthorium/ფლანთორიუმი
ონლაინ მაღაზია “ფლანთორიუმი” მომხმარებელს ესთეტიკური მიმზიდველობით, სიხასხასით გამორჩეულ მცენარეებს სთავაზობს, რომლებიც ნებისმიერი ტიპის ინტერიერს შემატებენ სიხალისესა და მშვენიერებას. მათი პროდუქციის შეძენა “ფლანთორიუმის” ფეისბუქ გვერდის მეშვეობით შეგიძლიათ.
3.გრატოს სათბურები/Grato Greenhouse
გრატოს სათბურები სიმწვანის მოყვარული მეგობრების მიერ ენთუზიაზმითაა შექმნილი, რომელიც წლების შემდეგ მაღალტექნოლოგიურ, მრავალფეროვანი კოლექციის მქონე სათბურად ჩამოყალიბდა. “გრატოს” მცენარეები გაალამაზებს როგორც შიდა, სახლის ინტერიერს, ასევე ტერასებსა თუ ოფისებს. მათი პროდუქციის შეძენა ორხევში, თ. ჩანტლაძის #1-ში ან “გრატოს” ვებგვერდის საშუალებითაა შესაძლებელი.
