დეკორატიული მინა-ბლოკი თანამედროვე ინტერიერში საკმაოდ მოთხოვნადი და ფუნქციური ელემენტია, რომელიც სივრცის ზონირებასთან ერთად, დეკორატიული დანიშნულებით გამოიყენება. ის შუშის გარსის ორი ნახევრის ერთმანეთთან გაერთიანების შედეგად მიიღება და სიმყარის შესანარჩუნებლად სპეციალური ტექნოლოგიით მუშავდება. მისი გამოყენების არეალი კი საკმაოდ ფართოა – ის ხშირად გვხვდება როგორც ექსტერიერში, ასევე ინტერიერში ტიხრების, კედლებისა თუ დეკორატიული ელემენტების მოსაპირკეთებლად.
დეკორატიული მინა-ბლოკი რამდენიმე უპირატესობით სარგებლობს:
გამძლეობა და უსაფრთხოების უზრუნველყოფა — მინა-ბლოკის ტიხარი თუ კედელი ალტერნატიული და შედარებით ბიუჯეტური გზაა თაბაშირ-მუყაოს გამყოფ კედელთან შედარებით, რომელიც გამძლეობითა და სიმტკიცით ხასიათდება. სპეციალურად დამუშავებული მინა მდგრადია სხვადასხვა მექანიკური დაზიანების, ნესტისა თუ ტემპერატურის ცვლილების მიმართ, რის გამოც უსაფრთხო და საიმედო ბარიერს ქმნის ინტერიერსა თუ ექსტერიერში.
სინათლის ხარისხის გაუმჯობესება და ზონირების მიღწევა — მინა-ბლოკის გამოყენება ეფექტური გადაწყვეტილებაა დახურულ სივრცეში განათების ეფექტურობის გასაზრდელად. გამჭვირვალე შუშის ბლოკი სინათლის კარგი გამტარია, რომელიც ბუნებრივი შუქის სივრცეში შეღწევას ხელს არ უშლის და შიდა ოთახებში დღის სინათლის შემოდინებას უზრუნველყოს. ამასთანავე, ის ეფექტური საშუალებაა სივრცეების ერთმანეთისგან გასამიჯნად და პრივატულობის უზრუნველსაყოფად.
ენერგოეფექტური გარემოს ხელშეწყობა — დეკორატიული მინა-ბლოკი ენერგოეფექტურობის გაზრდას უწყობს ხელს, რადგან ის ქმნის მყარ ბარიერს თბოდანაკარგისთვის და კარგი თბოსაიზოლაციო თვისებებით გამოირჩევა, რის გამოც დიდი ხნის განმავლობაში ინარჩუნებს ოთახში სასურველ ტემპერატურას. ასევე, დეკორატიული მინა-ბლოკის კედელი კარგი საშუალებაა ხმის იზოლაციისთვისაც, რადგან ამცირებს ხმაურს და ოთახის აკუსტიკურ მდგომარეობას აუმჯობესებს.
ესთეტიკური მრავალფეროვნება და სახასიათო დიზაინი — დეკორატიული მინა-ბლოკი ყურადღებას იქცევს მრავალფეროვანი დიზაინითა და ფერების, ტექსტურებისა და ფორმის სიმრავლით, რაც სივრცეს უნიკალურ იერს სძენს და აქცენტირებულ, სახასიათო ელემენტად გვევლინება დიზაინში. გამჭვირვალე, გაუმჭვირვალე, ფერადი სხვადასხვა ზომის მინა-ბლოკით შესაძლებელია განსხვავებული კომბინაციების შექმნა და ინტერიერისა თუ ექსტერიერის ვიზუალური ეფექტის გაზრდა.
მონტაჟის სიმარტივე და ხელმისაწვდომობა — როგორც უკვე აღვნიშნეთ, დეკორატიული მინა-ბლოკის კედელი თუ ტიხარი ბევრად ხელმისაწვდომი და ადვილი დასამონტაჟებელია, ვიდრე თაბაშირ-მუყაოს კონსტრუქცია, რის გამოც დიდი პოპულარობით სარგებლობს, რემონტის მიმდინარეობისას კი მომხმარებლებს დროის, ენერგიისა და ხარჯების დაზოგვაში ეხმარება.
რუბრიკის წამრგენია სამშენებლო სერვისების და მასალების კომპანია “აიპიესი”
