სახლი მდებარეობს კონსტანჩინ-იეზიორნაში, ვარშავასთან ახლოს მდებარე სპა კურორტზე, რომელიც ცნობილია თავისი ლამაზი, მწვანე და ტყით შემოსილი ლანდშაფტით. სახლის დიზაინის შექმნისას არქიტექტორებმა მიზნად დაისახეს ნაკვეთის ბუნებრივი პირობების და უპირატესობების გამოყენება, ამიტომ გაყვნენ თავად დიზაინის იდეას, როგორ იცხოვრონ ადამიანებმა ბუნებასთან ახლოს.
მისაღები ოთახი, რომელიც მდებარეობს პირველ სართულზე, მაქსიმალურად ღიაა და ერწყმის გარემოს. მინის და გასაწევი ფანჯრების გამოყენებით, საერთო სივრცე უერთდება გარე სივრცეს, რაც ხაზს უსვამს ბუნებას და შენობას შორის კავშირს.
გადახურული ტერასა ქმნის ბუფერს, რომელიც ჩრდილს უზრუნველყოფს შიდა სივრცისთვის და აფართოებს საცხოვრებელ ზონას. პირველ სართულზე განლაგებულია საძინებელი, ბავშვების ოთახი, კაბინეტი და სველი წერტილები. ყველა სივრცეს (მათ შორის სველ წერტილებს) ორივე სართულზე აქვს ტერასაზე წვდომა.
შენობის კომპაქტური ფორმა მაქსიმალურად ზრდის გარე მწვანე სივრცეს. ეფექტური გეგმარება უზრუნველყოფს მაქსიმალურ ფუნქციურობას, რაც ითვალისწინებს მიწის ნაკვეთის ზომის და კანონმდებლობით დაწესებულ შეზღუდვებს. შენობა შესრულებულია ჰიბრიდული კონსტრუქციის გამოყენებით. ზედა სართულის სტრუქტურა დაფუძნებულია ფოლადის კარკასზე, რომელსაც ემატება წებოვანი ხის ელემენტები.
სარდაფი და კიბე აგებულია რკინა-ბეტონისგან. ფასადები შედგება დაფრეზილი ცემენტ-ბოჭკოვანი პანელებისგან.
ინტერიერში გამოყენებულია მშვიდი ფერები და მარტივი ფორმები, რაც ხაზს უსვამს გარეთ არსებულ სიმწვანეს. ღია მისაღები ოთახი სამზარეულოთი შექმნილია ნეიტრალურ ტონებში, თეთრი და ბუნებრივი მასალების — ხისა და კვარციტის გამოყენებით. შესაბამისად, გარეგანი პანორამა ხდება მთავარი და ყველაზე მნიშვნელოვანი ელემენტი, რომელიც შიდა სივრცეზე დადებით გავლენას ახდენს.
აბაზანებსა და დერეფანში ავეჯი მოპირკეთებულია პასტელური შეფერილობის მქონე დიდი ფორმატის კერამიკული ფილებით.
ფოლადის I-სხივები მისაღები ოთახში, ხის სახურავის სტრუქტურა ზედა ოთახებში და კიბის რკინაბეტონის ელემენტი არის ამ შენობის გამოვლენილი სტრუქტურული მახასიათებლების მხოლოდ რამდენიმე ნაწილი.
შენობა გარემოსთან ორგანულ თანხვედრაშია. ფოლადის კარკასულმა სტრუქტურამ სამშენებლო მასალების ეფექტიანად გამოყენების და მშენებლობის პროცესის მოკლე დროში დასრულების საშუალება გააჩინა. გადახურვები და თაღები იცავს ინტერიერს ზაფხულში გადახურებისგან.
სახლს სამხრეთ ფერდობზე დამონტაჟებული აქვს მზის პანელები. მისგან მიღებული ენერგიით შესაძლებელია ელექტრომობილის დატენვა. ჭკვიანი სახლის სისტემის გამოყენებით, ყველა ინსტალაცია ურთიერთკავშირშია. სითბოს ტუმბო და წვიმის წყლის შესაგროვებელი ავზი სტრუქტურის დამატებითი მახასიათებლებია.
არქიტექტურული სტუდია – BDR Architekci
მთავარი არქიტექტორები: კონრად ბასანი, პაველ დადოკი, მარია როჯი
არქიტექტორები: კონრად ბასანი, პაველ დადოკი, მარია როჯი
რუბრიკის წარმდგენია “ალიანს ჯგუფი”
