ეს ბრუტალისტური საცხოვრებელი სახლი ციხესიმაგრის შთაგონებული შესასვლელით ავსტრალიის სანაპიროზე მდებარეობს. სახლი თანამედროვე არქიტექტურისა და ინტერიერის დიზაინის შესანიშნავი ნიმუშია, რომელიც გვარწმუნებს, რომ წარმოსახვითი საზღვრები არ არსებობს. სახლიდან იშლება ხედები ოკეანეზე, ხეებსა და გოლფის მოედანზე. სახლის საერთო დიზაინი ბრუტალისტური სტილით არის შთაგონებული და ძირითადი მასალები მოიცავს ბეტონს, მუქ ლაქიან მუხას, შავ ფოლადსა და ქვას, თუმცა, მკაცრი მატერიების პალიტრას ამსუბუქებს ბოჰოს ნოტები და არაჩვეულებრივი ხელოვნების ნამუშევრები. ბეტონის შთამბეჭდავი კედელი და კარიბჭე სახლის შესასვლელს სიმტკიცის შეგრძნებას სძენს.
მისაღები ოთახი თავისი უნიკალური ავეჯითა და დიზაინით გამოირჩევა. „თოვლის“ დივანი, რომელსაც განსაკუთრებული ზურგი აქვს, როგორც ესთეტიკური, ისე პრაქტიკული ელემენტია. ავეჯის ნაწილი მექსიკურ და სკანდინავიურ ნოტებს აერთიანებს, რაც ინტერიერს უნიკალურ ხასიათს სძენს.
სამზარეულოში ყველა ტექნიკა სპილენძის კარადების უკან არის შენიღბული. მუქი მწვანე ქვის კუნძულს შავი მარმარილოს ზურგი იდეალურად ეხამება.
სახლის გარე სივრცეები ისევე შთამბეჭდავია, როგორც შიდა ინტერიერი. აქ მოთავსებულია სრულყოფილი სამზარეულო და სასადილო სივრცე.
საძინებლის კედლები მთლიანად მუქი მუხით არის მოპირკეთებული, რაც ინტერიერს სითბოსა და სიმყუდროვეს ანიჭებს. აქ განთავსებული ავეჯი კი მინიმალისტური სტილისაა, რაც სივრცეს დახვეწილ იერს სძენს.
