ეს გარემოსდაცვით პრინციპებზე დაყრდნობით დაპროექტებული სახლი აშშ-ში, ლონგ აილენდის აღმოსავლეთ ბოლოში, წყალს გადაჰყურებს და დასვენებისთვის შესაფერის, მშვიდ ატმოსფეროს ქმნის. საცხოვრებელი ფართები ზაფხულში ლანდშაფტისკენ იხსნება და სარგებლობს გრილი ნიავით, ხოლო ზამთარში შიგნით განთავსებულ ბუხარზე და თბილ ხის პანელებზეა ორიენტირებული.
სახლი თანამედროვეა, მაგრამ ასევე მოგაგონებთ მოკრძალებულ ადრეული მოდერნის პერიოდის საცხოვრებელს. სწორედ ამ სტილმა შთააგონა მეპატრონეები.
სახლი ტყესა და წყალს შორის მდებარეობს, რაც მაცხოვრებლებს შესანიშნავი ხედებითა და ბუნებასთან ძლიერი კავშირით უზრუნველყოფს. თითოეული სივრცე ორიენტირებულია მზის სინათლის, მიმდებარე ბუნებისა და წყლის ხედებისგან მაქსიმალური გამოცდილების მიღებაზე.
შენობა ისეა გარემოსთან შერწყმული, რომ ორსართულიანი სახლი უფრო პატარა ჩანს, ვიდრე რეალურად არის. როდესაც საცხოვრებელს წყლის მხრიდან უყურებთ, თითქოს ის ბუნებაში უჩინარდება.
წითელი კედრის და სპილენძის ნაცნობი ადგილობრივი პალიტრა კონტრასტს ქმნის პასიური სახლის სტრატეგიებთან და მშენებლობის მეთოდებთან, რომლებიც მოიცავს სქელ იზოლირებულ ჩარჩოებს, ვენტილაციას ენერგიის აღდგენისთვის და მწვანე სახურავს, რაც, თავის მხრივ, როგორც ვიზუალურ, ასევე გარემოსდაცვით სარგებელს წარმოადგენს.
შეზღუდული მასალების პალიტრის გამოყენებით, წინდახედულობით შექმნილი დეტალებზე ორიენტირებული კონსტრუქცია წარმოადგენს მაღალი ხარისხის სახლს, რომელიც თაობებს გაუძლებს.
პროექტის ავტორი: Andrew Franz Architect
რუბრიკის წარმდგენია “ალიანს ჯგუფი”
