როცა საქმე საძინებელს ეხება, თითოეული ადამიანი ოცნებობს სივრცეზე, რომელიც მას მყისიერად დაამშვიდებს და შეუქმნის ძალიან მყუდრო, კომფორტულ შეგრძნებას. სწორედ ეს არის ის, რისი გაკეთებაც შეუძლია ღია ცისფერ საძინებელს. ფერთა ფსიქოლოგიის მიხედვით, დადასტურებულია, რომ ზოგიერთ ფერს აქვს გარკვეული ემოციების, განწყობისა და ქცევების გამოწვევის უნარი. ღია ცისფერი კავშირშია სიმშვიდესთან, რადგან ის გონებაში ზღვისა და ცის შეგრძნებას აღძრავს. სწორედ ამიტომ, ის იდეალური ფერია საძინებლის ინტერიერის მოსაწყობად.
ფერთა ფსიქოლოგები ამბობენ, რომ ეს ფერი ამცირებს გულისცემასა და არტერიულ წნევას და ხსნის სტრესს, დამატებით კი ხელს უწყობს დამამშვიდებელი ეფექტის შექმნას. იგი არა მხოლოდ ძილისთვის არის კარგი, არამედ საკმაოდ მრავალმხრივი გამოყენებაც აქვს და შესანიშნავად ერგება ნებისმიერი სტილის ინტერიერს, იქნება ეს ტრადიციული, თანამედროვე, ფერადი თუ ნეიტრალური სტილი. დღევანდელ სტატიაში რამდენიმე რჩევას გაგიზიარებთ, რომლებიც ცისფრის გამოყენებით საძინებლის ინტერიერის მოწყობაში დაგეხმარებათ.
გამოიყენეთ ცისფერი ოთახის თითოეულ კუთხეში
როცა საქმე ფერით სტილის განაცხადის გაკეთებას ეხება, სჯობს ის თამამად და გაბედულად გამოიყენოთ და აქცენტი მხოლოდ კონკრეტულ დეტალებსა და აქსესუარებზე არ შეაჩეროთ. გამოიყენეთ ლურჯი და ცისფერი კედლებზე, ჭერზე, ქსოვილების სახით და მცირე ზომის დეკორაციებშიც კი. ამ გზით საძინებელი გახდება ბევრად უფრო თბილი და თანამედროვე. ამასთან, დაამატეთ ტექსტურა, მაგალითად, ხავერდოვანი საწოლის საფარი და სხვა, რაც სივრცეში კონტრასტულ ელფერს შექმნის.
გამოიყენეთ წითელი აქცენტები
ღია ცისფერი ნამდვილად არის ფერი, რომელიც ძალიან უხდება წითელს და ფერთა ეს კომბინაცია 2024 წლის ერთ-ერთი ყველაზე პოპულარული ტენდენციაა. ორივე მათგანს ძალიან უხდება რატანი და სპილენძისფერი დეტალები. ამასთან, ნუ მოერიდებით მხიარული ტექსტურისა და სხვადასხვა ჩრდილების გამოყენებას, რადგან მათი დახმარებით ღია ცისფერი კიდევ უფრო თბილი და მიმზიდველი გახდება.
მიიღეთ შთაგონება სანაპიროდან
ნებისმიერ შემთხვევაში, ცისფერი არის ტონი, რომელიც სანაპიროს, ზღვას და ცას ასახავს. სწორედ ამიტომ, ოთახში დამამშვიდებელი ეფექტის გასაღვიძებლად სასურველია შთაგონების წყაროდ სანაპირო ზოლი გამოიყენოთ. შეარჩიეთ ლურჯის სხვადასხვა ჩრდილები, მაგალითად, ცის და ზღვის ფერები, ამას შეუძლია სივრცე გაცილებით მსუბუქი, კაშკაშა და ჰაეროვანი გახადოს. ღია და რბილი ჩრდილების შერჩევის შემთხვევაში, თქვენი საძინებელი ძილისთვის ძალიან კომფორტული გახდება.
დაამატეთ ცისფერი აქცენტების სახით
იმ შემთხვევაში თუ ჭერისა და კედლების მხოლოდ ცისფერ ტონში გადაწყვეტა არ გსურთ, გამოიყენეთ ის თამამი განცხადებების გასაკეთებლად. მაგალითად, მკვეთრ ცისფერ ნახატებს შეუძლია სივრცე აამაღლოს და ოთახს ინდივიდუალური ხასიათი მიანიჭოს. ასეთი მიდგომა განსაკუთრებით პოპულარულია ბავშვებისთვის განკუთვნილ ოთახებში, სადაც აუცილებელია შემოქმედებითი და შთამაგონებელი ხასიათის ჩართვა.
შეარჩიეთ ტექსტურა
ცისფერი ძალიან მრავალმხრივი და საინტერესო ფერია, თუმცა ის კიდევ უფრო მეტად დახვეწილი ხდება, როდესაც სხვადასხვა ტექსტურას ეხამება. მაგალითად, ერთ ერთი საინტერესო გზაა ცაცხვისფერი საღებავის გამოყენება, რომელიც ოთახს მარადიულ შეგრძნებას მიანიჭებს. ცაცხვისფერს აქვს ნამდვილი დამამშვიდებელი ეფექტი, ოთახს კი ეხმარება, რომ უფრო დიდი და ვრცელი გამოჩნდეს და მუდმივად ელეგანტურად გამოიყურებოდეს.
შექმენით საინტერესო ფონი
ცისფრით განსხვავებული და გამორჩეული ფონის შექმნა კიდევ ერთი შესანიშნავი იდეაა, როდესაც საქმე საძინებლის ინტერიერს ეხება. არ აქვს მნიშვნელობა, ამ მეთოდს მთლიან ოთახში გამოიყენებთ თუ აქცენტს მხოლოდ ერთ კუთხესა და კედელზე გააკეთებთ, შედეგი ძალიან დახვეწილი და საინტერესო იქნება. შეღებეთ კედელი სასურველი დიზაინის მიხედვით ან შეიძინეთ წინასწარ გამზადებული შპალერი, რაც საკმაოდ მარტივი და ეფექტური საშუალებაა.
რუბრიკა “ფერების” წარმდგენია კაპაროლი
