ხე ერთ-ერთი უძველესი მასალაა, რომელიც საუკუნეების მანძილზე გამოიყენება კაცობრიობის მიერ და დღემდე არ კარგავს აქტუალობას. ხის ფაქტურა ინტერიერში დიდი ხანია გასცდა მხოლოდ “აგარაკის სახლის” იმიჯს და დღეს ის გვხვდება ქალაქური ბინების სხვადასხვა ტიპის ინტერიერებში, დაწყებული მდიდრული კლასიკით, დამთავრებული სადა სკანდინავიური სტილით.
ხის მასალა დიზაინერებს აძლევს საშუალებას, შექმნან კომფორტული სივრცე და მყუდრო გარემო. ამას გარდა, ხეს გააჩნია ისეთი მახასიათებლები, რომლებიც მას უკონკურენტო ლიდერად აქცევს მასალებს შორის – ის არის გამძლე, ჰიპოალერგიული და უზრუნველყოფს ხმის და თბო იზოლაციას. სწორედ აქედან გამომდინარე, ხის მასალა ინტერიერში მუდმივად მოთხოვნადია. დღევანდელ სტატიაში სწორედ ამ ტიპის ინტერიერებს წარმოგიდგენთ, რაც აუცილებლად დაგეხმარებათ იდეების მოზიდვაში თქვენი მომავალი საოცნებო სახლისთვის.
