Mekong House საგულდაგულოდ არის შექმნილი, რათა მდინარე მეკონგის მდიდარი გარემო და მარტივი ხალხური არქიტექტურის მნიშვნელობა წარმოაჩინოს. მშვიდი ატმოსფეროს შესაქმნელად, თითოეული არქიტექტურული ელემენტი მარტივი, თავმდაბალი, გულწრფელი და პირდაპირია.
სახლის განლაგება მოდერნიზებული ღია დაგეგმარებისა და ადგილობრივი ხალხური ცხოვრების წესის კომბინაციით არის შექმნილი. Mekong House-ის მარტივი მართკუთხა გეგმა არის გასაღები ბუნებრივი ვენტილაციის შესანარჩუნებლად და, ამავდროულად, პანორამული ხედის შესაქმნელად. მეორე სართულზე არსებული ხის აივნების სერია, რომელიც ტაილანდის ადგილობრივი ჩრდილო-აღმოსავლეთის სოფლის კულტურით არის შთაგონებული, გარდამავალ სივრცეს, მრავალფუნქციური ზონასა და ჩრდილის შექმნის საშუალებას წარმოადგენს.
ძირითადი სამშენებლო მასალას წარმოადგენს მიტოვებულ ქარხანაში ნაპოვნი მერქანი, რომელიც ამ პროექტისთვის ხელახლა გამოიყენეს. არქიტექტურა, რომელიც მდიდარ ლანდშაფტთან არის შერწყმული, ასახავს მფლობელის რწმენას, რომ ის ბუნების მცირე ნაწილია.
ტენიანობის შთანთქმის გამო, სახლი ტროპიკული შტორმების სეზონზე მუქი ფერისაა, ხოლო მშრალ სეზონზე — უფრო ნათელი ხდება. Mekong House-ის ატმოსფერო დღისით და ღამით განსხვავებულია. სახურავი, რომელიც ამ ტროპიკული სახლის უნიკალური მახასიათებელია, დღისით საჭირო ჩრდილს ქმნის და კომფორტულ საცხოვრებელ სივრცეს უზრუნველყოფს. ღამით კი, სიბნელის გასაფანტად, ფარული პროჟექტორები სახლს ხელოვნური განათებით ავსებს.
რუბრიკის წარმდგენია “ალიანს ჯგუფი”
