მისაღები ოთახი სახლის „სავიზიტო ბარათია“. ეს არის სივრცე, რომელიც ღიაა როგორც ოჯახისთვის, ასევე სტუმრებისთვის და მნახველებს დაახლოებითი შთაბეჭდილებას უქმნის სახლის მთლიან სტილსა და დიზაინზე. აქედან გამომდინარე, მისაღების მოწყობის გზები უსაზღვროა. აქ შეგიძლიათ აქცენტები გააკეთოთ თქვენს საყვარელ დიზაინერებზე, კომფორტზე, თანამედროვე ან კლასიკურ ავეჯზე და ასე შემდეგ.
მიუხედავად იმისა, თუ როგორი სტილის შექმნა გსურთ თქვენს მისაღებში, ინტერიერის დიზაინერები 4 მნიშვნელოვან ტრენდს გიზიარებენ, რომლებიც უკვე დიდი ხანია პოპულარულობით აღარ სარგებლობს და უმჯობესია, რომ ისინი თავიდან აირიდოთ.
აქცენტირებული კედლები
აქცენტირებული კედლები ბევრი სახლის დაპროექტებისას იყო ერთ-ერთი მთავარი მოთხოვნა, სადაც ყურადღება ერთ კონკრეტულ ზონას ექცეოდა, მაგალითად, კედელს, რომელზეც ეკიდა ტელევიზორი. ასეთი მიდგომა უკვე დიდი ხანია, რაც „მოძველებულად“ ითვლება და ახლა დიზაინერები ყურადღებას ამახვილებენ “შეკრულ” განლაგებაზე, სადაც თვალი მთელს ოთახში მოძრაობს და ნივთებსა და ავეჯს შორის უწყვეტი გადასვლები აქვს. ამგვარი განლაგება ხელს უწყობს მშვიდი და ძალიან კომფორტული ინტერიერის შექმნას.
თუ აქცენტირებული კედლის ტენდენცია მოიცავდა ერთი კედლის შეღებვას ძალიან მუქ და მკვეთ ფერში, ახლა მნიშვნელოვანია, აქცენტები სივრცის მთლიანობასა და სასიამოვნო გადასვლებზე გაკეთდეს. დღეს ადამიანები უპირატესობას ანიჭებენ უფრო რბილ და თანმიმდევრულ ფერთა სისტემას მთელს ოთახში, რაც სახლს დახვეწილ და ერთიან იერს უქმნის.
თუ არსებობს კონკრეტული ფერი, რომელიც მოგწონთ თქვენი მისაღები ოთახისთვის და გაგიჩნდათ ცდუნება, გამოიყენოთ ის აქცენტირებული კედლისთვის, იფიქრეთ ფერის სივრცეში ჩართვის განსხვავებულ გზებზე, იქნება ეს აქსესუარები, ფარდები, პატარა დეკორაციები თუ სხვა.
ერთმანეთთან შეხამებული ავეჯის კომპლექტი
შეიძლება ერთი ფერისა და სტილის ავეჯი მთელს მისაღებში ძალიან საინტერესო და მინიმალისტურ ინტერიერს ქმნიდეს, მაგრამ თანამედროვე ტენდენციებში უკვე აღარ ხვდება ავეჯი, რომელიც სრულად ემთხვევა ერთმანეთს მათი ფერის, დიზაინის, აგებულებისა და სხვა ნიშნების მიხედვით. ახლა ამის სანაცვლოდ იფიქრეთ სხვადასხვა მასალისა თუ ქსოვილის ერთმანეთთან შეხამებაზე და მსუბუქი კონტრასტული ელფერების შექმნაზე, რათა სივრცეს ხასიათი და ვიზუალური ინტერესი შესძინოთ.
ინტერიერის დიზაინერები ერთხმად თანხმდებიან, რომ განსხვავებული ავეჯის გამოყენება სახლს უნიკალურ და ინდივიდუალურ შეგრძნებას ანიჭებს, რომელიც ხაზს გაუსვამს თქვენს სტილსა და გემოვნებას და შესაძლებლობას გაძლევთ, შექმნათ ბევრად უფრო გამორჩეული და მრავალფეროვანი ინტერიერი. დაუთმეთ დრო ავეჯის გააზრებულად შერჩევის პროცესს, იპოვეთ თქვენი საყვარელი მასალა და დიდი ხნის განმავლობაში თქვენი ინტერიერით ძალიან კმაყოფილი იქნებით.
ზედმეტად ფორმალური დიზაინი
თანამედროვე ინტერიერი ითვალისწინებს სივრცეს დასასვენებლად და კომფორტული, მყუდრო ატმოსფეროს შესაქმნელად, განსაკუთრებით კი მისაღებ ოთახში, სადაც სამუშაო დღის შემდეგ გსურთ თავი ძალიან წყნარად იგრძნოთ. ამიტომ, ზედმეტად ფორმალურ ოთახებს დღევანდელ თანამედროვე სახლში ადგილი აღარ აქვს.
ზედმეტად ფორმალური მისაღები ოთახების ქონა, სადაც თავს კომფორტულად არავინ გრძნობს, არაპრაქტიკულია. უმჯობესია შექმნათ მარტივი და კომფორტული განლაგება, რომელიც ხელს შეუწყობს დამამშვიდებელ ატმოსფეროს. იფიქრეთ სასიამოვნო ფერის მასალაზე, ფერებზე, გამძლე და მყუდრო ავეჯზე, თავი აარიდეთ ზედმეტად დიდ ავეჯს, რომელიც მთლიანად შთანთქავს მისაღები ოთახის სივრცეს.
მძიმე და მუქი ფერის ფარდები
დღეს დიზაინერები ეძებენ გზებს, რათა შექმნან ინტერიერი, რომელიც იქნება მაქსიმალურად მსუბუქი და ჰაეროვანი. ფანჯრები ასეთი ინტერიერისთვის ერთ-ერთი მნიშვნელოვანი ნაწილია, რადგან ამ გზიღ ხდება ოთახში სინათლისა და მზის სხივების მოხვედრა. აქედან გამომდინარე, მძიმე და მუქი ფარდები არც თუ ისე გონივრული არჩევანია, რადგან ისინი შიდა სივრცეს აბნელებს და ვიზუალურად ამცირებს.
მსუბუქი, ორგანული ქსოვილის შერჩევა ან ჟალუზები დაგეხმარებათ იმაში, რომ თქვენი მისაღები ძალიან შემოქმედებითად გამოიყურებოდეს, ჰქონდეს სასიამოვნო ტექსტურა, რომელიც უფრო დახვეწილ სივრცეს შექმნის და ყურადღებას სასურველ დეტალებზე გაამახვილებს.
