North Bank დიდ ბრიტანეთში, ნორთამბერლენდის ულამაზეს სოფელში მდებარეობს. ეს სახლი გამორჩეულია თავისი უნიკალური დიზაინითა და გარემოსთან შერწყმით. North Bank-ის დიზაინში ჩანს ნორთამბერლენდის სოფლის არქიტექტურული მემკვიდრეობა. მისი დაგეგმვისას შთაგონება ძველი შენობების ჩალით გადახურვის ტრადიციიდან მიიღეს, რაც ციცაბო დახრილ სახურავს გულისხმობს. ეს ელემენტი სახლის პროექტში ახლებურად არის წარმოდგენილი და სივრცეს მყუდრო, შთამბეჭდავ ხასიათს სძენს. სახლის გადახურვისთვის გამოყენებულია თუთიის მასალა, ხოლო ფასადი ხის მასალით არის მოპირკეთებული. ამ ორი მასალის გამოყენებით სახლის ექსტერიერი სოფლის ლანდშაფტს ორგანულად ერწყმის. North Bank არა მხოლოდ ადგილობრივი არქიტექტურის ტრადიციებს ასახავს, არამედ თანამედროვეობისა და ფუნქციურობის იდეალური ბალანსია.
სახლის განლაგება დაპროექტებულია ისე, რომ მაცხოვრებლებს მაქსიმალურად ჰქონდეთ წვდომა სამხრეთისკენ გაშლილ პანორამულ ხედებზე. შიდა სივრცეები მინიმალური დატვირთვით არის მოწყობილი და ფუნქციურად დაყოფილი. მისაღები ოთახი დიდი მინის კედლებითაა გაწყობილი, რაც ბუნებასთან კავშირის შეგრძნებას ამძაფრებს. კრემისფერი კედლები და ხის ავეჯი კი ინტერიერს სიმყუდროვეს და სიმშვიდეს სძენს. აქ განთავსებულია მხოლოდ რამდენიმე ფუნქციური ავეჯი და ძირითადი აქცენტი მიმართულია ხედებზე.
სამზარეულო მისაღებისგან კუნძულით არის გამოყოფილი, რომელიც წიგნების სათავსოს დანიშნულებასაც ირგებს. აქ მოთავსებული ავეჯი ლურჯ ფერშია გადაწყვეტილი, რაც სივრცეში ფერად და ენერგიულ ატმოსფეროს ქმნის.
რუბრიკის წარმდგენია “ალიანს ჯგუფი”
