შემოდგომასა და ზამთარს თბილი და ფუმფულა ტექსტილი საოცრად უხდება. გარდა იმისა, რომ ის ჩვენს კომფორტსა და მყუდროებას უზრუნველყოფს, დახვეწილი და ესთეტიკურად მიმზიდველი ნაჭერი განსაკუთრებულ ეფექტს ქმნის სივრცეში და ინტერიერსაც ამდიდრებს. დღევანდელ სტატიაში იმ ადგილებს გაგაცნობთ, სადაც მრავალფეროვან, განსხვავებული დიზაინისა და ფერების პლედებს შეიძენთ, რომლებიც ცივი საღამოების თბილად და სასიამოვნოდ გატარებაში დაგეხმარებათ.
1. JYSK
სკანდინავიური დიზაინი დახვეწილობით გამოირჩევა, ამიტომ დღესდღეობით ძალიან ტრენდულია ინტერიერსა თუ დეკორში ამგვარი ელემენტების გამოყენება. „JYSK“-ის მინიმალისტური დიზაინის პლედები საოცარ სიმყუდროვეს შეგიქმნით სახლში და ინტერიერს ელეგანტური იერსახის მქონე ტექსტილით გაგილამაზებთ.
2. ZARA HOME
„ZARA HOME“-ის მრავალფეროვანი და მდიდრული მოდელები ინტერიერს ფერადი, საინტერესო შტრიხებით გაგიმდიდრებთ და სივრცეს მეტ მყუდროებასა და სითბოს შესძენს. ამიტომ თუ ტექსტილის შეძენას გადაწყვეტთ, „ZARA HOME“-ის ახალი კოლექციების დათვალიერებას გირჩევთ.
3. ICR HOME
თბილი, ნაზი ტექსტურის მქონე, მიმზიდველი დიზაინის პლედები დაგხვდებათ „ICR HOME“-ის შოურუმში. შერჩეული მოდელი აუცილებლად გაგიმრავალფეროვნებთ შემოდგომისა თუ ზამთრის საღამოებს და დროის სასიამოვნოდ გატარებაში დაგეხმარებათ.
4. VELI.store
„VELI.store“-ის სწრაფი და კომფორტული მომსახურება თქვენს ცხოვრებას გაცილებით მოსახერხებელსა და მარტივს ხდის. პლატფორმაზე უამრავ განსხვავებულ პროდუქციასთან ერთად, პლედების შეძენაც შეგიძლიათ, რომლებიც ხარისხითა და მიმზიდველობით გამოირჩევა.
5. Coincasa
კიდევ ერთი სივრცე, სადაც სასურველ პლედს შეარჩევთ „Coincasa“-ს შოურუმია. მოდელები დახვეწილი დიზაინით, ნაზი ტექსტურითა და ფერადოვნებით ხასიათდება, ამიტომ არჩევანის გაკეთება არ გაგიჭირდებათ.
6. Mysa
„Mysa“-ს პლედები ორიგინალური იერსახით გამოირჩევა, კოლექციაში შეგიძლიათ როგორც ფერადი, ისე მინიმალისტური დიზაინის მოდელების შერჩევა, რომლებიც სახლს სიმყუდროვესა და სითბოს შემატებს.
7. ძველი სუფრა
შემოდგომა-ზამთრის პერიოდში იდეალური საჩუქარია ხარისხიანი, ფუმფულა და თბილი პლედი, რომელიც ნებისმიერ ადამიანს გაახარებს. გარდა პრაქტიკული დანიშნულებისა, ტექსტილი დეკორაციის გასაფორმებლადაც შეგიძლიათ გამოიყენოთ და სახლი უფრო მრავალფეროვანი გახადოთ. სასურველი პლედის შეძენას კი „ძველი სუფრის“ შოურუმშიც შეძლებთ.
8. კლასიკა
„კლასიკას“ კოლექციაც დაგეხმარებათ სხვადასხვა ზონის განახლებაში. განსხვავებული ფერისა თუ ტექსტურის პლედები შეგიძლიათ საწოლსა და დივანს მოარგოთ და ავეჯი მცირე დეტალებით განაახლოთ.
9. English Home Georgia
ინტერიერის შეცვლა და გადახალისება პატარა ელემენტებითაც თავისუფლად შეიძლება. თუ გსურთ საშემოდგომო განწყობა შემოიტანოთ ინტერიერში და სახლში მყუდრო ატმოსფერო შექმნათ, საუკეთესო გზა ახალი, მრავალფეროვანი პლედების გამოყენებაა, რომელთა დახმარებითაც სხვადასხვა ოთახს გააფორმებთ, მათი შეძენა კი “English Home“-ში შეგიძლიათ.
10. Manamo
სასურველი ფერის პლედის შერჩევას შეძლებთ „Manamo“-ს შოურუმშიც. კოლექცია მრავალფეროვანი დიზაინით და ხარისხით გამოირჩევა, ამიტომ მარტივად შეარჩევთ თქვენთვის სასურველ მოდელს.
