დეკემბრის თვე იწურება, თქვენ კი ჯერ ისევ საჩუქრების მომზადების პროცესში ხართ. ახალი წლის დადგომამდე სულ ცოტა დრო რჩება და სწორედ ახლა გიწევთ რამდენიმე საქმის ერთდროულად კეთება, პროდუქტების ყიდვა და ყველა დეტალის ორგანიზება. თუ განსაკუთრებული, დახვეწილი და პრემიუმ ხარისხის მქონე ნივთების შერჩევა გსურთ თქვენთვის ძვირფასი და გამორჩეული ადამიანებისთვის, ჩვენ გაგიმარტივებთ საქმეს და გთავაზობთ რამდენიმე საინტერესო სასაჩუქრე იდეას, რომლებიც აუცილებლად დიდ მოწონებას დაიმსახურებს მათი ადრესატებისგან.
ცქრიალა ღვინის ჭიქა
ძალიან ნაზი, სადა, დახვეწილი და ამავდროულად საოცრად მიმზიდველი, ღია მწვანე ფერის ცქრიალა ღვინის ჭიქა LOUISE ROE-ის კოლექციიდან უდავოდ გამორჩეული საჩუქარი იქნება მათთვის, ვისთვისაც ესთეტიკა და ხარისხი მნიშვნელოვანია. პროდუქტის შეძენა 255 ლარად არის შესაძლებელი მაღაზია MOTIF-ში, რომელიც ჭავჭავაძის N50-ში მდებარეობს.
შანდალი
უცხო, საინტერესო დიზაინის მქონე შანდალი და შავი სანთელი, განსაკუთრებულ ადგილს დაიკავებს ინტერიერში და მასში მდიდრულ შტრიხებს შეიტანს. პრემიუმ ხაზის პროდუქტი იდეალურად შეეხამება მინიმალისტურ, სკანდინავიურ სტილს და ფერად ინტერიერშიც სადა და ჰარმონიულ განწყობას შექმნის. მოდელის ღირებულება 218 ლარია და მისი შეძენა მაღაზია Kitchen and Living by Gastronome-ში შეგიძლიათ.
ჩაის ჭიქების კომპლექტი
ჭიქების ნაკრები, სარა მილერის თვალით დანახული დათოვლილი ზამთარი, განსაკუთრებული საჩუქარია მათთვის, ვისაც გამორჩეულად უყვარს ცხელი სასმელები. ეს საჩუქარი საოცრად უხდება ზამთრის ცივ დღეებს და ის ადრესატისთვის ინტერიერში სიმყუდროვის, სიმშვიდისა და თბილი ატმოსფეროს შემომტანი გახდება. პრემიუმ ხაზის პროდუქტის შეძენა WEDGWOOD-ში, ფაიფურისა და ბროლის ჭურჭლის შოურუმში შეგეძლებათ 415 ლარად.
ჩაიდანი
ALESSI-ის ბრენდის ჩაიდანი სამზარეულოში გამორჩეულ და განსაკუთრებულ ადგილს დაიკავებს. თვალსაჩინო ვიზუალი და პროდუქტის ხარისხი მას მიმზიდველ საჩუქრად აქცევს, რომელიც კარგი არჩევანი იქნება მათთვის, ვინც დიზაინ ობიექტების თაყვანისმცემელია. აღნიშნული მოდელი მაღაზია Sense Concept Store-შია ხელმისაწვდომი.
მუსიკალური ნაძვის ხე
საახალწლო აქსესუარი ნებისმიერი ადამიანისათვის საყვარელი და განსაკუთრებული საჩუქარია. ფაიფურის ნაძვის ხე სადღესასწაულო დეკორაციას გაამრავალფეროვნებს და მასში გამორჩეულ შტრიხებს შეიტანს. მუსიკალური გაფორმება კი საზეიმო განწყობას შექმნის. აღნიშნული ნივთის შეძენა 1395 ლარად არის შესაძლებელი მაღაზია Villeroy & Boch-ში.
