ორქიდეა ეგზოტიკური ყვავილია, რომელიც სახლის ინტერიერს განსაკუთრებულ ხიბლს სძენს. ის რთულად მოსავლელი მცენარეა, რომლის მოვლისას გარკვეული წესები უნდა დაიცვათ. დღევანდელ სტატიაში სწორედ ამ წესებზე ვისაუბრებთ.
რა უნდა იცოდეთ ორქიდეას შესახებ?
ის ერთ-ერთი უძველესი მცენარეა, რომელიც 147 მილიონი წლით თარიღდება. ორქიდეის ოჯახის წარმომადგენლები ფართოდ არიან გავრცელებული ცენტრალურ და სამხრეთ ამერიკაში, ავსტრალიაში და აზიაში. ზოგიერთ ჯიშს ეკვატორული ტყე სჭირდება, ზოგიერთი კი მშრალ ჰავასა და საცხოვრებელ სახლებშიც კარგად გრძნობს თავს.
როგორ უნდა შეარჩიოთ ორქიდეა სახლისთვის?
პირველი, რასაც უნდა დააკვირდეთ, მცენარის ფესვია. ფესვები კარგად უნდა ჩანდეს მიწის სიღრმეში, რათა დარწმუნდეთ, რომ მხოლოდ მცენარის ღეროს არ შეიძენთ. ფესვები უნდა იყოს საკმარისად სქელი, მშრალი, კარგად დატოტვილი და არავითარ შემთხვევაში არ უნდა იყოს სველი. ჯანსაღი ფესვის ფერი არის ღია მწვანე, ხოლო ყავისფერი ფესვები დაავადების საწყისი ნიშანია.
შემდგომ დააკვირდით ღეროს, რომელიც უნდა იყოს მშრალი, ლპობის კვალის ან მუქი ლაქების გარეშე. ფოთლებს არ უნდა ჰქონდეს მზისგან მიღებული დამწვრობის კვალი ან ყვითელი ფერის ლაქები. მნიშვნელოვანია, რომ ფოთლებსა და ღეროზე არ იყოს ჭიების ნიშანი.
აუცილებელი ნაბიჯები ორქიდეას შეძენის შემდეგ
მცენარე 2-3 დღის განმავლობაში სხვებისგან განცალკევებით უნდა განათავსოთ, რადგან ლპობის ნიშნები, შესაძლოა, რამდენიმე დღის შემდეგ გამოვლინდეს.
ამ პერიოდში რეგულარულად უნდა ამოწმოთ მისი ფოთლები, სასურველია შეამოწმოთ ყოველ დილას და საღამოს.
ლპობის ნიშნების მკურნალობა შესაძლებელია ჯანსაღი გარემო პირობების შექმნით, რაც გულისხმობს მშრალ ნიადაგს, მორწყვას და კარგ ვენტილაციას.
სად უნდა განათავსოთ ორქიდეები?
ადგილის არჩევანი დამოკიდებულია მის ჯიშურ პრეფერენციებზე: ზოგიერთ სახეობას სჭირდება ნათელი, დიფუზური სინათლე, ზოგს სჭირდება ჩრდილი და სიგრილე. ორქიდეების უმეტესობას, რომლებსაც მებოსტნეები ზრდიან სახლში, მოსწონს ზომიერი, ნათელი შუქი. ამისთვის საჭიროა ყვავილი დადგათ ისეთ ადგილას, სადაც დილით აღმოსავლეთის მზე ეცემა.
როგორ უნდა მორწყოთ ორქიდეა?
უპირველეს ყოვლისა, თქვენ უნდა მორწყოთ ყვავილი არა გრაფიკის მიხედვით, არამედ მისი მოთხოვნების მიხედვით. ორქიდეა სიმშრალეს უფრო მეტად იტანს, ვიდრე ზედმეტ წყალს, ამიტომ მისი მორწყვა მაშინ ხდება, როდესაც მიწა ქოთანში მთლიანად შრება.
პირველი მორწყვა უნდა მოხდეს შეძენიდან 1 კვირის განმავლობაში. ამ დროს მცენარე აუცილებლად დაიშრობს წყლის მთელ რაოდენობას. თუ ფიქრობთ, რომ ორქიდეა კვლავ ზედმეტად გამომშრალია, შეგიძლიათ სპრეის სახით შეასხუროთ წყლის წვეთები მის ფოთლებზე.
თუ ყვავილი გამჭვირვალე ქოთანში გაქვთ, შეამჩნევთ, რომ მისი ფესვები ღია მწვანე ფერისაა, რაც ნიშნავს, რომ ყვავილს საკმარისი ტენიანობა აქვს. სხვა შემთხვევაში, მისი მორწყვა მხოლოდ კვირაში ერთხელაა საჭირო.
მორწყვისთვის წყლის ოპტიმალური ტემპერატურაა 22-25 გრადუსი.
ამ წესების დაცვის შემთხვევაში, თქვენი ყვავილი სახლს მაქსიმალურად ხანგრძლივი პერიოდით გაგილამაზებთ.
