ფერი ინტერიერში გადამწყვეტ როლს თამაშობს. ფერების სწორად შერჩევა სასურველი განწყობისა და ესთეტიკის შექმნაში დაგეხმარებათ. ზოგიერთი ფერი სახლს განსაკუთრებით უხდება, ზოგი კი პირიქით – ქაოსსა და არეულობას ქმნის. არსებობს რამდენიმე ძირითადი შეცდომა, რომელსაც სახლის მეპატრონეები ფერების არჩევის დროს უშვებენ.
მეცნიერულმა კვლევებმა დაადასტურა რომ ფერები ადამიანებზე ემოციურად მოქმედებენ. ლურჯი და მწვანე უფრო მეტად სიმშვიდესთან ასოცირდება, წითელი და ნარინჯისფერი ენერგიულობასა და ქაოსთან.
ინტერიერის დიზაინერები რამდენიმე რჩევას გვიზიარებენ იმასთან დაკავშირებით, თუ რომელი ფერები არ უნდა გამოვიყენოთ სახლის ინტერიერში:
წითელი საძინებელში
წითელი ფერი აქტიურობასთან, ენერგიასთან ასოცირდება, რაც დაძინებაში შეგიშლით ხელს. ეცადეთ საძინებლისთვის უფრო სადა და თბილი ფერები შეარჩიოთ.
მუქი ყავისფერი მისაღებ ოთახში
ეს ფერი ოთახს უფრო პატარას და არაკომფორტულს აჩენს. სჯობს მისაღებისთვის ნათელი ფერები შეარჩიოთ, რადგან ყავისფერი თქვენს დეკორაციებსა და ავეჯს მთლიანად შთანთქავს.
მკვეთრი ყვითელი სამზარეულოში
ეს ფერი განსაკუთრებით ცუდად ურთიერთქმედებს განათებებზე, რამაც შეიძლება ძლიერი თავის ტკივილებიც კი გამოიწვიოს. გამოიყენეთ ყვითელი დეტალებისთვის, თუმცა არა კედლების შესაღებად.
შავი აბაზანაში
შავი ელეგანტური ფერია, მაგრამ ამ ფერს მკაფიოდ ეტყობა ლაქები, წყლის წვეთები და ნაკაწრები.
თეთრი ბავშვების ოთახში
თეთრი დახვეწილი ფერია, თუმცა ის მარტივად ისვრება. ბავშვების ოთახი ის ადგილია, სადაც მათ თავიანთი წარმოსახვა უნდა გააძლიერონ, ამიტომ აქ ფერადი დიზაინის გამოყენებას გვირჩევენ.
ნარინჯისფერი მოსასვენებელ ოთახებში
ნარინჯისფერი მისი ენერგეტიკის გამოა ცნობილი. ამ ფერის ინტერიერი დასვენებისა და მედიტაციის საშუალებას არ მოგცემთ.
სახლში მშვიდი განწყობის დასამკვიდრებლად, ექსპერტები გვირჩევენ მწვანე და ლურჯი ფერების გამოყენებას, რომლებიც სიმშვიდესა და დასვენებასთან ასოცირდება.
რუბრიკა “ფერების” წარმდგენია კაპაროლი
