საძინებელი სახლში ერთ-ერთ მთავარ სივრცეს წარმოადგენს. სწორედ აქ ვიღვიძებთ და ვიძინებთ, ვისვენებთ, ვკითხულობთ და ა. შ. ამიტომ, საძინებელი ოთახისთვის ფერთა პალიტრის შერჩევა სახლის დეკორაციისას ერთ-ერთ ყველაზე მნიშვნელოვან გადაწყვეტილებას წარმოადგენს. ფერი არ უნდა იყოს ზედმეტად აქტიური, რათა მან ხელი არ შეუშალოს სათანადოდ დასვენებას, ამასთან თავი უნდა ავარიდოთ მოსაწყენ ელფერებს, რომლებიც ჩვენში სევდას აღძრავს. საძინებელი ოთახისთვის ვარდისფერი ერთ-ერთი ყველაზე პოპულარული გადაწყვეტაა, დღეს კი შემოგთავაზებთ შესანიშნავ პრაქტიკულ იდეებს, რომლებიც შთაგონებისთვის გამოგადგებათ.
