სახლი, რომლის შესახებაც დღევანდელ სტატიაში გიამბობთ, 2023 წელს აშენდა და მისი მთლიანი ფართობი 2970 კვადრატული მეტრია. შენობა ნიდერლანდების ქალაქ ეინდჰოვენში მდებარეობს და მისი უცნაური არქიტექტურული სტილითაა ცნობილი.
პროექტის განვითარების პროცესში ადგილობრივი მუნიციპალიტეტი და კერძო კომპანიები არიან ჩართულნი, რომლებიც ერთად ცდილობენ ეინდჰოვენის განვითარებას. შენობის ინსპირაცია ლეონარდო და ვინჩი და მისი შემოქმედება იყო. არქიტექტორებს სურდათ ისეთი სახლის აშენება, რომელიც ერთდროულად მოდური და პრაქტიკული იქნებოდა.
ამას გარდა, ქალაქის მოსახლეობა სახლის მშენებლობაში აქტიურად იყო ჩართული, სამშენებლო კომპანია მათ ყველა მნიშვნელოვან დეტალს აცნობდა და მომავალი მაცხოვრებლების აზრსაც მაქსიმალურად ითვალისწინებდა.
ქალაქის ამ ნაწილში განვითარების არანაირი გეგმა არ არსებობდა, სწორედ ამიტომ, არქიტექტორებმა ხალხს შესთავაზეს სახლი, რომელიც მისი ფორმების გათვალისწინებით სიმსუბუქის შთაბეჭდილებას ქმნის და ერთი შეხედვით შენობა თითქოს ჰაერშიც კი არის გამოკიდული.
სახლის ასეთ ფორმებს ძირითადად ხმელთაშუა ან კარიბის ზღვის რეგიონებში ვხვდებით და არქიტექტურული თვალსაზრისით, მას „თავისუფლების ეფექტს“ უწოდებენ.
ურბანული თვალსაზრისით, შენობა არის „თავისუფალი“ და „ყოვლისმომცველი“, ანუ მას არ აქვს ერთი შეხედვით მკაფიო ფასადი. შენობა შვიდი სართულისგან შედგება და გამოირჩევა ხარისხიანი მასალებით, დიზაინითა და ფერებით.
დიდი ზომის ფანჯრების ხარჯზე შენობა შედარებით პატარა ჩანს, თუმცა ის მოიცავს როგორც საცხოვრებელი ბინების კომპლექსს, ასევე დიდ სივრცეს შეხვედრების ორგანიზებისთვის, სადაც მეზობლებს ერთმანეთის გაცნობა და დროის ერთად გატარება შეუძლიათ.
ფასადი დამზადებულია Ecoshape-ს მოსაპირკეთებელი მასალისაგან, რომელიც ტრადიციული ქვის ფასადების ალტერნატივაა. ის შენობას ხაზოვან რელიეფს აძლევს და კიდევ უფრო მეტ ელეგანტურობას ანიჭებს მას.
არქიტექტორებმა ყურადღება მიაქციეს იმასაც, რომ სახლი ახლოს ყოფილიყო საბავშვო ბაღთან, სკოლასთან და სხვა საჭირო ობიექტებთან. მათი პრიორიტეტი მომავალი მაცხოვრებლებისთვის მაქსიმალური სიმყუდროვისა და კომფორტის შექმნა იყო.
არქიტექტურული სტუდია: NEXT architects
რუბრიკის წარმდგენია “ალიანს ჯგუფი”
