თანამედროვე სამყაროში განსაკუთრებული დატვირთვა შეიძინა გარე სივრცემ, რომელიც ბუნებასთან გვაახლოებს და დასვენებისა თუ განტვირთვის საუკეთესო შესაძლებლობას გვაძლევს. შესაბამისად, მაცხოვრებლებისთვის საჭირო გახდა ინტერიერთან ერთად, ექსტერიერზე ზრუნვა და ეზოში ხელსაყრელი პირობების შექმნა. ამიტომ ლანდშაფტის დიზაინმა გამორჩეული ადგილი დაიკავა თანამედროვე საცხოვრისში.
გაზაფხული-ზაფხულის პერიოდი იდეალური დროა ბაღის კეთილმოწყობისა და მიწის დამუშავებისთვის. მობინადრეებს სურთ, ეზო მრავალფეროვანი მცენარეებით გაალამაზონ და ხილისა თუ ბოსტნეულის მოყვანა საკუთარ ბაღშიც შეძლონ, რათა ეკოლოგიურად სუფთა და ჯანსაღი საკვები მიირთვან. ამიტომ, დღეს ძალიან აქტუალურია განსხვავებული ჯიშის სანერგეების შეძენა, რომლებიც ეზოს ბევრად მიმზიდველ იერს შესძენს და რაც მთავარია, მას ფუნქციურსა და გამოსადეგს ხდის. ამგვარად, დღევანდელ სტატიაში შემოგთავაზებთ იმ ადგილებს, სადაც მრავალფეროვან დეკორატიულ მცენარეებსა თუ ხეხილის ნერგებს შეიძენთ.
