ჭილოფის მასალა ინტერიერში — რამდენიმე შთამაგონებელი იდეა ქართული პროექტებიდან
ჭილოფის მასალა ინტერიერში საკმაოდ პოპულარულია, რადგან ის სივრცის ბუნებრივ სტილს უსვამს ხაზს და მაქსიმალური კომფორტის მიღებას უწყობს ხელს. მისი დახმარებით შესაძლებელია სივრცეს ბუნებრივი ესთეტიკა შემატოთ, გარემო უფრო მრავალფეროვანი და მიმზიდველი გახადოთ და სკანდინავიური დიზაინის სტილისტიკა მიანიჭოთ საცხოვრებელს. ამასთან ერთად, ჭილოფის ფაქტურა ოთახს თბილ, სასიამოვნო განწყობას სძენს და მას უფრო ეფექტურად წარმოაჩენს. მისი გამოყენება კი შესაძლებელია როგორც ავეჯის სხვადასხვა მოდელზე, ასევე სანათებსა და აქსესუარებზე. დღევანდელ სტატიაში შემოგთავაზებთ ჭილოფის გამოყენების რამდენიმე საინტერესო იდეას, რომლებიც შესაძლოა თქვენთვის შთაგონების წყაროდ იქცეს.
კერძო სახლი თხინვალაში, ინტერიერი: მარიამ სიჭინავა, ფოტოგრაფი: მარიამ სიჭინავა
