თბილისი ყოველთვის იყო ქალაქი, სადაც ქალაქური ცხოვრების მუხტი და ბუნების მშვიდი ჰარმონია ერთმანეთს შესანიშნავად ერწყმოდა, სწორედ ამ ორი კომპონენტის სინთეზს წარმოადგენს „თბილისის ბულვარი“, რომელიც ქალაქის ერთ-ერთ ყველაზე მწვანე, ეკოლოგიურად სუფთა და ქალაქის ცენტრთან შედარებით ნაკლებად დატვირთულ ზონაში, თბილისის ზღვაზე ვითარდება.
კომპლექსი 30 ჰექტარზე გაშენდება და ერთ სივრცეში გააერთიანებს როგორც საცხოვრებელ, ისე საინვესტიციო, სავაჭრო, საოფისე, გასართობ და სასტუმრო ინფრასტრუქტურას.
„თბილისის ბულვარის“ პროექტი განვითარების გენერალური გეგმის შესაბამისად მიმდინარეობს, რომელიც მკაცრად რეგულირდება და ითვალისწინებს მხოლოდ დაბალი ინტენსივობის განაშენიანებას. ეს მიდგომა სრულად გამორიცხავს დაუგეგმავ და არათანმიმდევრულ მშენებლობას, რაც თავის მხრივ, ხელს უწყობს ეკოლოგიურად სუფთა და მოწესრიგებული ურბანული გარემოს შექმნას. განაშენიანების რეგულაციები მიზნად ისახავს ქაოტური მშენებლობების თავიდან აცილებას და უზრუნველყოფს მდგრადი, გრძელვადიანი ინფრასტრუქტურის ფორმირებას, რომელიც სრულად შეესაბამება როგორც ბუნებრივ, ისე ურბანულ და თანამედროვე არქიტექტურის მოთხოვნებს.
დაბალი ინტენსივობის განაშენიანება უზრუნველყოფს ხედების ეფექტურად შენარჩუნებას. არქიტექტურული ფორმები და კრეატიული კონცეფციები, რომელიც მიზნად ისახავს მაქსიმალურად კომფორტული და ჰარმონიული სივრცეების შექმნას, ისე რომ ხედი არ დაირღვეს ქმნის ელეგანტურ, მაგრამ ნატურალურ და სივრცულ ურთიერთობას გარემოსთან.
„თბილისის ბულვარის“ პროექტში თითოეული დეტალი გათვალისწინებული ისე, რომ ბუნება არ დარჩეს მხოლოდ დეკორაციად, ის უნდა იყოს ადამიანების ყოველდღიურობის განუყოფელი ნაწილი და ზღვა ბედნიერების მომტანი.
„თბილისის ბულვარი” არის პროექტი, სადაც გათვალისწინებულია როგორც ინფრასტრუქტურული კომფორტი, ისე რეკრეაციული და მწვანე ზონების ხელმისაწვდომობა, აქ ხომ ყოველ დღე შეგიძლია დატკბე ზღვის მშვენიერი პეიზაჟით და დარწმუნებული იყო, რომ ხედი არასოდეს შეგეცვლება.
[R]
