ტიხრის პანელი ერთ-ერთი ფუნქციური და ესთეტიკური ელემენტია ინტერიერში, რომელსაც ხშირად იყენებენ სივრცის მცირე ზონებად დასაყოფად. ეს მარტივი ხერხია ამისთვის, რადგან კედლისგან განსხვავებით, არ საჭიროებს სტრუქტურულ ცვლილებებს.
ტიხრის პანელის ტიპები
ტიხრის პანელები სხვადასხვა მასალისგან მზადდება, მათ შორის ყველაზე პოპულარულია ხე, შუშა და ალუმინი.
ხის ტიხარი
ხის ტიხრებს განსაკუთრებული ესთეტიკური დატვირთვა აქვს, მას შეაქვს სითბო სივრცეში და გთავაზობთ მრავალფეროვნებას. ამგვარ პანელებს ხშირად სათავსოების სახითაც იყენებენ.
შუშის ტიხარი
ის სასიამოვნო ვიზუალურ ეფექტს ქმნის და სივრცეში არ ზღუდავს ბუნებრივი სინათლის გავრცელებას. შუშის ტიხრის პანელები ინარჩუნებს ღიაობის შეგრძნებას და განსაკუთრებით კომფორტულია სახლში მეორადი განათების დროს.
ალუმინის ტიხარი
ამგვარი ტიხრები ძირითადად ფუნქციურ როლს ასრულებს და სივრცეებს შორის იზოლაციას უზრუნველყოფს.
რისთვის იყენებენ ტიხრის პანელებს?
სივრცის გაყოფისთვის
ეს ტიხრის პანელების უმთავრესი დატვირთვაა. ისინი ფართოდ გამოიყენება ღია სივრცეებისთვის, მაგალითად: მისაღები ოთახისა და სამზარეულოს, ოფისებისა და სტუდიების დასაყოფად. ამგვარი პანელები შესანიშნავია პირადი სივრცის შესაქმნელად.
ხმის იზოლაციისთვის
ზოგიერთ ტიხრებში გამოიყენება სპეციალური მასალები, რომელიც ხმის გავრცელებას ზღუდავს.
ესთეტიკური მრავალფეროვნებისთვის
ტიხრის დიზაინმა შესაძლოა იმოქმედოს ოთახის საერთო სტილზე და აღმოჩნდეს ინტერიერის მთავარი აქცენტი.
ექსტერიერში
ტიხრის პანელები გვხდება ექსტერიერშიც, სადაც როგორც ფუნქციური, ასევე ესთეტიკური დატვირთვა აქვს.
ტიხრის პანელის დადებითი მხარეები
სწრაფი ინსტალაცია
ტიხრის პანელის დაყენება მარტივია და არ მოითხოვს სტრუქტურულ ცვლილებებს. მარტივია მისი მოხსნაც და გადაადგილებაც.
მრავალფეროვანი დიზაინი
ტიხრები შეგიძლიათ აირჩიოთ სხვადასხვა დიზაინითა და მასალით, რაც საშუალებას გაძლევთ მოარგოთ ოთახის საერთო სტილს.
ფუნქციონალური მრავალფეროვნება
ტიხრები საუკეთესო არჩევანია ოთახების ეფექტურად ორგანიზებაში.
ბიუჯეტური ალტერნატივა
ტიხრის პანელები ხშირად უფრო იაფია, ვიდრე კედლების აშენება.
ტიხრის პანელის უარყოფითი მხარეები
სიმტკიცის ნაკლებობა
ტიხრები შეიძლება იყოს უფრო მოწყვლადი, ამიტომ არაა რეკომენდებული მძიმე ნივთების განთავსება.
სხვადასხვა ინტერიერის დიზაინთან არაშესაფერისი
ტიხრები შესაძლოა არ იყოს იდეალური ყველა დიზაინისთვის, მაგალითად, თანამედროვე ან მინიმალისტური ინტერიერისთვის.
რა უნდა გავითვალისწინოთ ტიხრის პანელის შეძენამდე?
ტიხრის პანელის დამონტაჟებამდე უნდა დარწმუნდეთ ჭერის სიმყარეში, რადგან მასზე უნდა დამაგრდეს ტიხრის პანელი, თუმცა, თუ ხის ტიხარი 1 მეტრამდეა სიგრძეში, შესაძლოა იატაკზე და კედელზე დამაგრდეს და არა ჭერზე.
ტიხრის პანელის სიგანეს თავად ირჩევთ, რაც შეეხება სისქეს, ხის მასალისგან დამზადებულის სისქე 36 მმ-ია. ერთი სვეტის ფასი კი 70 ლარიდან იწყება, რაშიც შედის მასალა და მონტაჟი. შუშისა და ალუმინის მასალის შემთხვევაში, საფასური დამოკიდებულია პროექტზე, მასალის ხარისხზე, შუშის ფერზე და ბევრ სხვა ფაქტორზე.
