პარკეტის გამოყენებით ინტერიერში რამდენიმე სახის დახვეწილი და ელეგანტური იატაკის საფარის შექმნა შეიძლება. თანამედროვე ბაზარზე მწარმოებლები მუდმივად აუმჯობესებენ ტექნოლოგიებსა და მიდგომებს, რასაც შემდგომში ინტერიერის დიზაინერები განსხვავებული სტილის შესაქმნელად იყენებენ. ერთ-ერთი ასეთი ტენდენციაა ნაძვისებური და ლათინური V-ს ფორმის წყობა, რომელიც იატაკზე ძალიან საინტერესოდ გამოიყურება და უხდება სხვადასხვა სახის ინტერიერს, განსაკუთრებით კი დიდი ზომის ოთახებსა და კლასიკურ სტილს.
უნდა აღინიშნოს, რომ ერთი შეხედვით, იატაკის ეს ორი წყობა ერთმანეთს ჰგავს, რადგან ორივე შემთხვევაში გამოიყენება მოკლე მართკუთხა ფიგურები, რომელთა განლაგებაც კუთხეს ქმნის. ამიტომ ნაძვისებური და ლათინური V-ს ფორმის წყობა ერთმანეთში ხშირად ერევათ. თუმცა, იატაკის ამ ნიმუშებს შორის დიზაინისა და მონტაჟის თვალსაზრისით, განსხვავებები არსებობს.
დღევანდელ სტატიაში სწორედ ამ პრინციპით შექმნილი პროექტების რამდენიმე საინტერესო მაგალითს გაგიზიარებთ.
